«Kalektyŭ pryniaŭ jak rodnaha». Jak žyvie doktar Sarokin, jakoha asudzili pa spravie śmierci Ramana Bandarenki
Doktara Arcioma Sarokina i žurnalistku Kaciarynu Barysievič asudzili za abnarodavańnie źviestak pra abstaviny śmierci ŭ vyniku źbićcia na płoščy Pieramien Ramana Bandarenki ŭ listapadzie 2020 hoda.
2 sakavika 2021 hoda Arcioma Sarokina za razhałošvańnie «miedycynskaj tajamnicy» asudzili da dvuch hadoŭ pazbaŭleńnia voli z adterminoŭkaj na adzin hod i ŭ zale suda adpuścili pad padpisku ab niavyjeździe i naležnych pavodzinach. Kaciarynie Barysievič dali šeść miesiacaŭ kałonii.
Ciapier, piša «Narodnaja Vola», doktar nie abmiarkoŭvaje ni z kim padziej trochhadovaj daŭniny, ale jahonyja znajomyja raspaviadajuć, što «Arciom pa-raniejšamu pracuje ŭ Balnicy chutkaj dapamohi doktaram-aniestezijołaham».
«Paśla suda jon uziaŭ na niejki čas adpačynak, — kažuć «Narodnaj Voli» surazmoŭcy. — Treba było adyści ad SIZA, pabyć ź siamjoj i dziećmi, a ich u Arcioma troje — Miša, Fiedzia i Lija.
Ale potym jon adrazu ž vyjšaŭ na raniejšuju pracu — u Balnicu chutkaj dapamohi. Prablem z adnaŭleńniem nie było, kalektyŭ pryniaŭ Arcioma jak rodnaha».
Arciom Sarokin ź siamjoj žyvie ŭ Marjinaj Horcy. Žonka Natalla (taksama miedyk) raniej pracavała ŭ Rudzienskaj haradskoj balnicy, ale ciapier pracuje ŭ Minsku ŭ strachavoj kampanii.
«U jaho hrafik taki, što dziažurstvy — praktyčna kožny dzień, — raspaviadajuć znajomyja Arcioma. — I kožny dzień jon jeździć z Marjinaj Horki ŭ Minsk na elektryčcy. Samy sapraŭdny pracaholik!»
«Na rovary ź vioski, dzie žyvie siamja, dabiraŭsia da čyhunačnaj stancyi, — raspaviadali raniej baćki Arcioma Sarokina. — Rovar pakidaŭ na vakzale i jechaŭ na elektryčcy ŭ stalicu. Na mašynie ŭsio ž taki nakładna jeździć u Minsk i nazad. Nataša z Arciomam naohuł jak vaviorki ŭ kole krucilisia, tamu što treba było i kredyt, jaki ŭziali na budaŭnictva doma, štomiesiac vypłačvać, i na adpačynak źbirać.
Im učastak dali ŭ vioscy, jakaja znachodzicca ŭsiaho za paru kiłamietraŭ ad Marjinaj Horki. Svoj dom — heta była dla Arcioma mara ŭsiaho žyćcia. Uziali kredyt, hady čatyry budavali».
Surazmoŭcy kažuć, što Arciom i Nataša dahetul u pastajannych kłopatach. Z tryma dziećmi składana, ale jany robiać usio, što mohuć. Žyvuć budučyniaj, a nie minułym.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary