Lidar prarasijskaj partyi Małdovy adkryta abvinavaciŭ Rasiju ŭ raźviazvańni vajny suprać Ukrainy
«Čamu ja kažu pra heta ŭpieršyniu? Dy tamu, što raniej Małdova była bolš uraźlivaj z-za supraćstajańnia mahutnych suśvietnych sił. Naša frakcyja, u svaju čarhu, zaniała bolš mudruju i adkaznuju pazicyju».
Staršynia prarasijskaj frakcyi «Błok kamunistaŭ i sacyjalistaŭ» u Małdovie Uład Batrynča zajaviŭ, što Rasija vinavataja ŭ raźviazvańni vajny suprać Ukrainy. Słovy palityka prahučali ŭ jahonym intervju małdaŭskamu vydańniu Vocea Basarabiei, jakoje było apublikavana 15 červienia.
«Błok kamunistaŭ i sacyjalistaŭ» źviazany z eks-prezidentam Małdovy Iharam Dadonam. Lidar frakcyi Batrynča pry hetym upeŭnivaje, što ni jon, ni jahonyja ludzi nie padtrymlivajuć vajnu.
Adkazvajučy na pytańnie žurnalista, čamu jon vyrašyŭ upieršyniu pryznać vinu Rasii za raźviazvańnie kanfliktu va Ukrainie, Batrynča adznačyŭ, što raniej dla takoha pryznańnia ŭ Małdovie byli «niespryjalnyja ŭmovy».
«Tak, Rasija vinavataja ŭ hetaj vajnie. Hetak ža, jak i inšyja ŭpłyvovyja krainy śvietu. U našaj frakcyi daŭno asudžajuć vajnu i zaklikajuć da miru, adnak my nie abaviazanyja ab hetym zajaŭlać publična na kožnym kroku, jak heta robić naš urad. Niaŭžo takija zajavy dapamohuć Ukrainie ci našaj Małdovie, asabliva kali taja była ŭ bolš uraźlivym stanoviščy praz supiernictva suśvietnych sił?» — skazaŭ lidar kamunistaŭ i sacyjalistaŭ Małdovy Uład Batrynča.
Palityk taksama dadaŭ, što vajna va Ukrainie — heta trahiedyja, jakuju treba terminova spynić, a nie padmacoŭvać «militarysckuju rytoryku» z abodvuch bakoŭ kanfliktu.
Nahadajem, što dziejnaje kiraŭnictva Małdovy aktyŭna padtrymlivaje Ukrainu ŭ vajnie z Rasijaj, a narod krainy ŭ bolšaści svajoj imkniecca da jeŭraintehracyi.
Takaja tendencyja vielmi nie zadavalniaje Rasiju, jakaja raspracoŭvaje płany pa viartańni Małdovy ŭ svaju śfieru ŭpłyvu i robić dla hetaha roznyja dziejańni.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary