Hramadstva

Ścirańnie pamiaci. Sajt «Priessboła» zabłakavali za archiŭnaje fota «niełajalnaha» futbalista

Biełaruskaj asacyjacyi žurnalistaŭ stała viadomaja pryčyna, na padstavie jakoj Ministerstva infarmacyi abmiežavała dostup da internet-resursu pressball.by.

Ministerstva infarmacyi Biełarusi 16 červienia raspaŭsiudziła zajavu, što na padstavie viedamasnaha manitorynhu na pradmiet «vykanańnia nacyjanalnaha zakanadaŭstva ab ŚMI» zabłakavany sajt spartyŭnaha vydańnia «Priessboł». Pry hetym pryčyna takoha rašeńnia nie nazyvałasia.

Vykazvałasia mierkavańnie, što padstavaj moh stać uzłom niezadoŭha da taho aficyjnaj internet-staronki, adkaznaść za jaki ŭziali na siabie «kibierpartyzany». Tam źjavilisia vyjavy z nacyjanalnaj bieł-čyrvona-biełaj simvolikaj i łozunhi «Za svabodnuju presu i volnuju Biełaruś», «Svaboda słova budzie žyć u volnaj Biełarusi!» i h. d. Sajt pierastaŭ adkryvacca, adnak užo na nastupny dzień jon zapracavaŭ u zvykłym režymie.

U rečaisnaści, jak daviedałasia Biełaruskaja asacyjacyja žurnalistaŭ, pryčynaj błakavańnia staŭ «palityčny» niedahlad kahości z techničnych supracoŭnikaŭ redakcyi.

U pryvatnaści, u navinie pra plažny futboł byŭ vykarystany archiŭny fotazdymak udzielnikaŭ nacyjanalnaj zbornaj, siarod jakich fihuravaŭ hulec z «čornaha śpisa» Ministerstva sportu. Jakraz «tyražavańnie» niełajalnaha futbalista i pasłužyła nahodaj dla taho, kab zabanić uvieś resurs.

«Priessboł» — najstarejšaje niezaležnaje biełaruskaje spartyŭnaje vydańnie z bolš čym 30-hadovaj historyjaj. Na fonie dramatyčnych padziej 2020-ha hazieta apublikavała adkryty list spartoŭcaŭ za sumlennyja vybary i suprać hvałtu siłavikoŭ.

Vyraznaja hramadzianskaja pazicyja stała padstavaj da kadravych ratacyj, u vyniku Biełaruskaja fiederacyja futboła jak hałoŭny akcyjanier damahłasia źmieny hałoŭnaha redaktara na byłoha karespandenta dziaržaŭnaha telekanała ANT Siarhieja Lisičkina. Niahledziačy na toje, što žurnalist nie mieŭ dośviedu administracyjnaj pracy, rašeńnie ŭchvalili ŭ abychod redakcyjnaha kalektyvu.

U vyniku tady praktyčna ŭsie viadučyja supracoŭniki pakinuli «Priessboł» na znak pratestu suprać «zachopu vydańnia».

Kamientary

Ciapier čytajuć

Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»23

Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»

Usie naviny →
Usie naviny

Žonka Kotava padała zajavu ŭ prakuraturu Polščy i naniała advakataŭ dla pošuku muža4

Mytny kamitet nastojliva rekamienduje spynić machlarskija schiemy na miažy i navat zapisaŭ pakajalnaje videa

Zdaču hetaj elitki ŭ centry Minska zatrymali na niekalki hadoŭ. A zaraz tut pradajecca šmat kvater3

Zialenski padpisaŭ zakon, u jakim zamacavana vyznačeńnie «rašyzmu»7

Prapahandyst Račyłoŭski bolš nie vykładaje ŭ minskaj himnazii. Kudy jon prytknuŭsia ciapier?25

Jarmak u ZŠA: Pasadzicie Rasiju za stoł pieramovaŭ — i Ukraina pieramoža

U Dziatłaŭskim rajonie dzieviacikłaśnica vyratavała z vady dzieviacihadovuju dziaŭčynku

Pasolstva Biełarusi ŭ Varšavie stała prymać dakumienty tolki pa zapisie. Čakańnie — kala 10 miesiacaŭ3

Jak u akupavanym Daniecku vyžyvajuć biez vady?12

bolš čytanych navin
bolš łajkanych navin

Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»23

Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»

Hałoŭnaje
Usie naviny →

Zaŭvaha:

 

 

 

 

Zakryć Paviedamić