Palina Šuba zadumałasia ab prafiesii ideołaha i chvalujecca za brata ŭ Maskvie
Viadučaja BT Palina Šuba, jakaja niadaŭna paśla dekretu viarnułasia ŭ efir, raskazała, jak nazvała dziaciej i što jaje chvaluje z nahody vajny va Ukrainie.
Ciapier Palina Šuba viadzie pieradaču «Hałoŭny efir» na «Biełaruś 1» i pakul pierachodzić u novuju prafiesiju nie źbirajecca.
«Ale, mahčyma, kali‑niebudź pasprabuju. Niadaŭna pajšła na kursy Akademii kiravańnia pa śpiecyjalnaści «dziaržkiravańnie i ideałohija». I całkam dapuskaju, što nie stanu zasiedžvacca na telebačańni, kali zrazumieju, što para ruchacca dalej. Žyćcio adno, i treba mnohaje paśpieć zrabić», — kaža jana ŭ intervju «SB. Biełaruś siehodnia».
Hod tamu Palina Šuba stała mamaj — naradziła dziaŭčat-dvajniatak. Nazvała Ivankaj i Stefanijaj.
U intervju viadučaja vykazałasia i pra padziei 2020 hoda.
«Doŭhi čas ja ličyła siabie miakkim čałaviekam, ale paśla 2020 hoda niešta ŭ maim charaktary źmianiłasia. Časam pytajusia ŭ siabie: ci viarnuła b ja tych, chto mnie tady zdradziŭ, u svajo asiarodździe, ci chacieła b ja ź imi znoŭ pracavać popleč? I moj adkaz: adnaznačna nie.
Toj, chto zdradziŭ adzin raz, abaviazkova zdradzić jašče. Heta maja pazicyja. Mahčyma, jana zanadta kateharyčnaja».
Što da vajny va Ukrainie, to viadučaja chvalujecca za brata, jaki pracuje ŭ Maskvie.
«Moj rodny brat pracuje ŭ Maskvie, viadoma, my ŭsie vielmi pieražyvajem. Ale viedajecie, usia maja siamja staić na dziaržaŭnych pazicyjach, i pakul kiruje naš prezident — niejak spakojna na dušy, jość upeŭnienaść u tym, što da biady nie dojdzie. Ź im nadziejna», — zrabiła jana revierans u bok Łukašenki.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć19
Kamientary