Kali kupiury ŭ abmieńniku nie spadabajucca, mohuć i nie viarnuć. Što jašče ŭ novych praviłach
Z pačatku lipienia ŭ 17-ci biełaruskich bankach uviali adzinyja praviły zamieny banknot zamiežnaj valuty. Raniej kožny bank abapiraŭsia na svaje patrabavańni, zaraz ža ŭ tym, jakija banknoty možna prymać, a jakija nielha, bolšaść budzie aryjentavacca na adziny padychod.
Spačatku banki ŭzradavali, što klijentam stanie praściej, bo pryčyn dla adbrakoŭki banknot ciapier mienš, a praviły stali adnolkavymi dla ŭsich bankaŭ, jakija dałučylisia da pieraliku.
Ale pačali źjaŭlacca novyja padrabiaznaści. Naprykład, jak piša @NA_STRAGE, banknoty zamiežnaj valuty, sapraŭdnaść jakich vyklikaje sumnieŭ u kasira abo jakija majuć vidavočnyja prykmiety padrobki, klijentu banka nie viernuć. Jany zabirajucca.
Taksama śpiecyjalisty tłumačać, što kupiuru nie prymuć dla abmienu, kali na joj jość malunki, abraźlivyja i niecenzurnyja nadpisy, a taksama kankretnyja słovy: chabar, vykup, rekiet, złodziej.
Taksama banki nie prymuć banknoty z vytvorčym brakam. Heta siarod inšaha adsutnaść abo niepradrukoŭka achoŭnych elemientaŭ, zmazanaść malunka, nienaležnaje raźmiaščeńnie vadzianoha znaka, adsutnaść asobnych elemientaŭ abarony ad padrobki (vadzianoha znaka, hałahramy, achoŭnaj nitki abo pałoski), pamyłka ŭ napisańni.
Taksama nie atrymajecca zamianić razarvanyja abo razrezanyja na častki banknoty, u tym liku źleplenyja prazrystym skotčam.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary