Mahiloŭskamu sacyjołahu Bubnovu dali dva hady źniavoleńnia za navukovy artykuł
Stali viadomyja padrabiaznaści kryminalnaj spravy mahiloŭskaha vučonaha Juryja Bubnova — prafiesara, doktara sacyjałahičnych navuk, eks-zahadčyka kafiedry humanitarnych dyscyplin Biełaruskaha ŭniviersiteta charčovych i chimičnych technałohij. U mai hetaha hoda jaho prysudzili da dvuch hadoŭ kałonii pavodle abvinavačvańnia ŭ paklopie i abrazie Łukašenki.
Jak paviedamlaje Mayday team, u 2020 hodzie prafiesar Bubnoŭ apublikavaŭ artykuł «Pieradumovy biełaruskaha pratestu ŭ 2020 hodzie» ŭ małaviadomym štohadovym navukovym almanachu «Mołodiežnaja hałaktika».
Štohodnik vydajecca ŭ Sankt-Pieciarburhu i ŭ Biełarusi ličycca zamiežnym navukovym časopisam. Biełaruskija navukoŭcy publikujucca tam dla paćvierdžańnia svajho prafiesijnaha ŭzroŭniu. Vydańnie vychodzić vielmi maleńkim nakładam i cikavaje ŭ asnoŭnym vuzkaprofilnymi navukoŭcam.
Dla paćviardžeńnia publikacyi štohodnik vysyłaje aŭtaram artykułaŭ fotakopii ich artykułaŭ u farmacie pdf-fajła, kab možna było pry nieabchodnaści prykłaści da dakumientaŭ. Pravaabaroncy adznačajuć, što siłaviki mahli daviedacca pra artykuł tolki pa danosie kaleh Bubnova abo ad inšych aŭtaraŭ publikacyj.
Juryja Bubnova zatrymali prosta na kafiedry ŭ studzieni 2023 hoda. Jon uznačalvaje jaje z 1997 hoda, uznaharodžany znakam «Vydatnik adukacyi». Jahony partret znachodzicca na došcy honaru vieteranaŭ univiersiteta. U Mahilovie Bubnoŭ viadomy jak ekśpiert-sacyjołah, adzin sa stvaralnikaŭ Centra haradskich inicyjatyŭ i fiestyvalu «Dranik-fest».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary