Vałanciorka z Čarnihava Natalla Zacharanka źnikła padčas pajezdki ŭ Biełaruś, piša Reform.by sa spasyłkaj na ŭkrainskaje vydańnie «Čas čiernihivśkij».
Natalla jeździła ŭ Biełaruś z druhoj pałovy 2022 hoda. Jana dapamahała ŭkraincam, jakija zatrymalisia ŭ Biełarusi i nie mahli samastojna vybracca, vyjazdžać z krainy. U Biełaruś jana jeździła na svaim aŭtamabili.
Pavodle infarmacyi vydańnia, za ŭvieś čas Natalla dapamahła vyvieźci kala 30 ludziej. Punkt evakuacyi znachodziŭsia ŭ Mazyry.
Pa słovach Nadziei Zacharanki, maci Natalli, jaje dačka pierastała vychodzić na suviaź 19 lipienia.
«Z 19 lipienia jana nie vychodzić na suviaź. Kolki i kudy ja ni pisała — pisała ŭ ambasadu, prakuraturu, MZS. U ambasadzie mnie adkazali, što siarod zatrymanych jaje niama. Ja nie viedaju, kudy iści i da kaho źviartacca», — kaža maci Natalli.
Maci vałanciorki kaža, što pierad pajezdkaj dziaŭčyna paviedamlała ŭ čat vałancioraŭ, što jedzie ŭ Biełaruś. Da jaje źviartalisia z usioj Ukrainy z prośbaj pieradać uciekačam, jakija zaviśli ŭ Biełarusi, rečy, dakumienty i hrošy.
«Patelefanavali ź Biełarusi i skazali anulavać». Biełarusy raskazali, jak mianiali i praciahvali dziejańnie biełaruskaha pašparta ŭ Polščy
«Dla mianie adnolkava važna być i biełarusam, i habrejem, i šviedam». Čałaviek, jaki vyjechaŭ ź Biełarusi ŭ minułym stahodździ, raskazaŭ, jak i čamu pryjšoŭ da biełaruskaj movy paśla 2020-ha
Źnikła suviaź z palitźniavolenym Uładzimiram Hundaram. Choć raniej listy prychodzili kožnyja dva dni
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary