Valancina Bołbat vyjšła ź Viciebskaha IČU paśla 30 sutak aryštu
Hramadskuju aktyvistku ź Vierchniadźvinska Valancinu Bołbat milicyjanty zabrali z domu adsiedžvać prysudžanyja joj raniej 30 sutak ranicaj 31 lipienia. Adbyvała pakarańnie žančyna ŭ Viciebskim IČU, piša «Viciebskaja viasna».
Na Valancinu Bołbat jašče 29 krasavika vierchniadźvinskija milicyjanty skłali niekalki pratakołaŭ pa artykule 19.11 KaAP (Raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahandu takoj dziejnaści) i častcy 3 artykuła 24.23 KaAP (Parušeńnie paradku arhanizacyi abo praviadzieńnia masavych mierapryjemstvaŭ).
Tady Vierchniadźvinski sud prysudziŭ joj 30 sutak aryštu, milicyjanty adrazu ŭ zale suda ŭziali jaje pad vartu. Ale z žančynaj zdaryŭsia hipiertaničny kryz i jaje advieźli ŭ lakarniu, dzie jana lačyłasia dva tydni.
Valancina asprečyła hetuju pastanovu suda ŭ Viciebskim abłasnym sudzie. 22 traŭnia sudździa abłasnoha suda Śviatłana Ivanova admianiła rašeńnie suda Vierchniadźvinskaha rajona.
Ale paśla spravu hramadskaj aktyvistki pieradali ŭ Navapołacki sud, i 19 červienia ŭ budynku Połackaha suda Valancinu Bołbat zasudzili znoŭ. Prysud vynosiła sumnaviadomaja sudździa Navapołackaha suda Zinaida Bałabołava, jakaja i pryznačyła joj 30 sutak aryštu.
Valancina Bołbat abskardžvała i hetuju pastanovu, ale biezvynikova.
Usiaho hramadskuju aktyvistku ź Vierchniadźvinska sioleta sudzili šeść razoŭ pavodle artykułaŭ 19.11 KaAP i 24.23 KaAP.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary