Kuba paviedamiła pra aryšt 17 čałaviek pa spravie ab viarboŭcy na vajnu va Ukrainie
Udzielnikam złačynnaj sietki moža pahražać da 30 hadoŭ turmy, pažyćciovaje źniavoleńnie abo śmiarotnaje pakarańnie.
Ułady Kuby paviedamili pra aryšt 17 čałaviek, što, jak miarkujecca, źviazanyja sa złačynnaj sietkaj, jakaja vierbavała kubincaŭ u rasijskuju armiju, paviedamlaje «Radyjo Svaboda» sa spasyłkaj na Reuters.
Na hetym tydni kubinskija ŭłady paviedamili pra raskryćcio sietki, udzielniki jakoj prymušali kubinskich hramadzian vajavać va Ukrainie na baku Rasii. Tady ŭ MUS Kuby zajavili, što pracujuć nad «niejtralizacyjaj i likvidacyjaj» hrupy.
«U vyniku praviedzienaha rasśledavańnia na hety momant aryštavana 17 čałaviek, u tym liku arhanizatar hetaj dziejnaści», — skazaŭ pałkoŭnik Siezar Radryhies.
Radryhies nie nazvaŭ imionaŭ aryštavanych, ale adznačyŭ, što lidar hrupy abapiraŭsia na dvuch čałaviek, jakija žyvuć na vostravie, kab vierbavać kubincaŭ dla ŭdziełu ŭ bajavych dziejańniach.
Prakuror Chase Łuis Rejes zajaviŭ, što ŭdzielnikam złačynnaj sietki moža pahražać da 30 hadoŭ turmy, pažyćciovaje źniavoleńnie abo śmiarotnaje pakarańnie — u zaležnaści ad ciažaru i charaktaru ŭčynienych złačynstvaŭ.
Artykuły, pa jakich prachodziać abvinavačvanyja, uklučajuć handal ludźmi, najmictva i varožyja dziejańni suprać zamiežnaj dziaržavy.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary