IT-kampanija PandaDoc, zasnavanaja biełarusami, kupiła bierlinskuju fintechkampaniju Denario. Ździełka była zavieršanaja ŭ žniŭni, adnak jaje finansavyja paramietry nie raskryvajucca, paviedamlaje Office Life.
Kampanija PandaDoc była zasnavanaja ŭ 2013 hodzie ŭ Miensku Mikitam Mikadam i Siarhiejem Barysiukom. U kancy 2021-ha jana była acenienaja na 1 młrd dalaraŭ i stała pieršym u historyi Biełarusi startapam-«adzinaroham». Ale ŭ 2020 hodzie kiraŭniki kampanii padtrymali pratesty ŭ Biełarusi, u suviazi z čym niekatoryja ź ich na peŭny čas patrapili za kraty nibyta pa ekanamičnych abvinavačańniach, a PandaDoc pakinuła Biełaruś.
PandaDoc stvaraje pradukt, jaki dapamahaje aŭtamatyzavać dakumientaabarot i adsočvać handlovuju dakumientacyju. U kampanii raźličvajuć, što nabyćcio Denario dazvolić palepšyć ułasnuju płatformu dla apracoŭvańnia dakumientaŭ i płaciažoŭ i pašyryć mahčymaści PandaDoc u kiravańni hrašovymi patokami.
Ciapier 100 supracoŭnikaŭ Denario pracujuć u novym, šostym, ofisie PandaDoc u śviecie. Inšyja ofisy kampanii mieściacca ŭ ZŠA (dva), Ukrainie, Polščy i Partuhalii. Minskaje padraździaleńnie było likvidavana ŭ pačatku 2022 hoda.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj48
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary