Viciabčuk adsudziŭ u kamunalnikaŭ i «Biełdziaržstracha» amal 14 tysiač rubloŭ za kvateru. Jaje ciaham dvuch miesiacaŭ zalivała dvojčy
Pieršy raz heta zdaryłasia 15 śniežnia 2022 hoda. Nie paśpieŭ mužčyna ŭsio pryvieści ŭ paradak, jak 9 studzienia 2023 hoda jaho kvateru znoŭ zaliło.
Ahułam paciarpieła siem dźviarej, padłoha i majomaść u kvatery, paviedamlaje «Kamsamołka».
U mužčyny byli z saboj akty, składzienyja rabotnikami ŽEU. Z hetymi papierami, kvitancyjami ad klininhavaj słužby na 650 rubloŭ i čekami z kramaŭ na 165 rubloŭ jon źviarnuŭsia ŭ sud.
Košt ramontu i pamier škody skłali 11 785 rubloŭ.
Akramia taho, mužčyna zajaviŭ i maralnuju škodu ŭ 5 tysiač rubloŭ. Jon patłumačyŭ heta tym, što z pryčyny ŭtvareńnia pleśni, źjaŭleńnia zatchłaha pachu i mošak u kvatery, jon nie moža znachodzicca ŭ joj na praciahu doŭhaha času. Taksama jon paznačyŭ, što ŭ kvatery nie było adnoŭlena haračaje i chałodnaje vodazabieśpiačeńnie, nie padklučany haz i nie pracuje kanalizacyja.
Viciabčuk prasiŭ spahnać z ŽEU i «Biełdziaržstracha» 12 500 rubloŭ na pakryćcio strat, niaŭstojku za parušeńnie terminaŭ adkazu kamunalnikaŭ pamieram 13,6 tysiačy rubloŭ, a taksama kampiensacyju maralnaj škody 5 tysiač rubloŭ i pakryćcio sudovych vydatkaŭ.
Kamunalniki byli hatovyja pakryć tolki 3,2 tysiačy rubloŭ, a «Biełdziaržstrach» nie pryznaŭ pazoŭ.
Sud pastanaviŭ spahnać z «Biełdziaržstracha» 10 500 rubloŭ, na pakryćcio raschodaŭ pa vyznačeńni škody 144,44 rubla, a taksama pakryćcio raschodaŭ pa apłacie dapamohi pradstaŭnika na 50 rubloŭ.
Taksama sud pryniaŭ rašeńnie spahnać z žyllovaha ramontna-ekspłuatacyjnaha tresta Viciebska na karyść mužčyny niaŭstojku za parušeńnie terminu vykanańnia patrabavańnia ab kampiensacyi na 1000 rubloŭ i hrašovuju kampiensacyju maralnaj škody 500 rubloŭ i pakryćcio raschodaŭ pa apłacie dapamohi pradstaŭnika na 250 rubloŭ.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary