Stali viadomyja imiony jašče čatyroch biełarusaŭ-«vahnieraŭcaŭ», jakija zahinuli va Ukrainie. Usie — zavierbavanyja kryminalniki
Žurnalisty «Nastojaŝieho vriemieni» daviedalisia raniej nieviadomyja imiony zahinułych rasijskich vajskoŭcaŭ, źviazanych ź Biełaruśsiu, pahutaryli ź niekatorymi ź ich blizkich i vyvučyli šmat infarmacyi pra ich, paviedamlaje «Radyjo Svaboda».
Pakolki bolš za 1,5 hoda rasijskija ŭłady nie raskryvajuć kolkaść zahinułych na hetaj vajnie, šukali infarmacyju ŭ adkrytych krynicach. U telehram-kanałach i sacsietak žurnalisty «Nastojaŝieho vriemieni» znajšli 24 čałavieki, niejak źviazanych ź Biełaruśsiu, a zatym skłali ahulny śpis z kalehami z «Miedyjazony» i atrymali źviestki pra 32 bajcoŭ.
Zrešty, niekatorych ź ich biełarusami asablivych padstaŭ ličyć niama, bo paśla analizu pašpartnych danych i prapiski stała zrazumieła, što chutčej za ŭsio ź Biełaruśsiu ich źviazvała tolki miesca naradžeńnia.
U svaim siužecie «Nastojaŝieje vriemia» raskazvaje tolki pra tych zahinułych, jakija źviazanyja ź Biełaruśsiu značna bolš. Pry hetym pieravažnaja ich bolšaść ŭ asnoŭnym budavała svajo žyćcio ŭ Rasii.
U stanicy Bakinskaj u Krasnadarskim krai znachodzicca samaje masavaje ź viadomych pachavańniaŭ najmitaŭ PVK «Vahnier». I tut pachavanyja minimum try biełarusy, jakija pierad svajoj viarboŭkaj adbyvali pakarańnie ŭ rasijskich kałonijach. Raniej u ŚMI pra hetych ludziej nichto nie raskazvaŭ.
Siarod pachavanych na hetym miescy:
- 47-hadovy Andrej Haŭrykaŭ. Jon zahinuŭ va Ukrainie ŭ lutym 2023 hoda. Žurnalisty nie zmahli znajści jaho fatahrafiju, vierahodna, jahony biełaruski pašpart nie abnaŭlaŭsia pryblizna z 2008 hoda. Zarehistravany jon u vioscy Čarnieŭka Drybinskaha rajona Mahiloŭskaj vobłaści. Hramadzianstva ŭ jaho biełaruskaje, choć i naradziŭsia jon u Komi ASSR u Rasii. Viadoma, što Haŭrykaŭ adbyvaŭ pakarańnie za zabojstva čałavieka. Jaho sudzili pa troch artykułach Kryminalnaha kodeksa i pakarali na 22 z pałovaj hadoŭ pazbaŭleńnia voli.
- Siarhiej Brel z Babrujska. Jon zahinuŭ sioleta ŭ studzieni, a prapisany byŭ na vulicy Hohala ŭ Babrujsku. Adbyvaŭ pakarańnie pa artykule «naŭmysnaje pryčynieńnie ciažkaj škody zdaroŭju» ŭ papraŭčaj kałonii ŭ Archanhielskaj vobłaści.
- Michaił Krupa. Jon skraŭ u kramie «Piacioračka», jakaja raźmieščanaja ŭ stanicy Kalininskaja Krasnadarskaha kraja, ałkahol i pradukty. Na jaho zaviali kryminalnuju spravu, ale jon uciok ad śledstva, za što trapiŭ u vyšuk. Naradziŭsia Krupa ŭ pasiołku Słabada Lelčyckaha rajona Homielskaj vobłaści, a adbyvaŭ pakarańnie ŭ papraŭčaj kałonii ŭ Staŭrapolskim krai.
Akramia taho, u akupavanym Łuhansku na mohiłkach žurnalisty znajšli mahiłu jašče adnaho biełarusa — Ryhora Safonava. Jaho taksama zavierbavali ŭ PVK «Vahniera» z rasijskaj kałonii. U krasaviku 2019 hoda, kali Safonavu było 32 hady, jon skraŭ pradukty z kramy, a praź dziesiać miesiacaŭ znoŭ paŭtaryŭ heta pravaparušeńnie ŭ padmaskoŭnym horadzie Łobny, na sumu ŭ ekvivalencie kala 120 dalaraŭ. U hetyja ž hady Safonaŭ minimum dvojčy zbyvaŭ hierain.
Aryštavali hramadzianina Biełarusi, jaki ŭ składzie mižnarodnaj złačynnaj hrupoŭki pastaŭlaŭ uzbrajeńni ŭ Rasiju
«Čałaviek vajavaŭ paŭtara hoda, i voś takoje pramaŭlaje». Minskaja manaška raskazała, jak natchniała vahnieraŭcaŭ na vajnu
«Kali akcyja niaŭzhodnienaja, ich budzie šukać milicyja». Homielskija čynoŭniki prakamientavali «miemaryjał» vahnieraŭcam u centry horada
Ciapier čytajuć
U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi6
Kamientary