«Kali akcyja niaŭzhodnienaja, ich budzie šukać milicyja». Homielskija čynoŭniki prakamientavali «miemaryjał» vahnieraŭcam u centry horada
Fatahrafii kiraŭnikoŭ PVK «Vahnier» Dźmitryja Utkina i Jaŭhiena Pryhožyna, jakija ŭ kancy žniŭnia zahinuli ŭ avijakatastrofie nad Ćviarskoj vobłaściu, źjavilisia ŭčora dniom kala manumienta savieckim vajskoŭcam na płoščy Paŭstańnia ŭ centry Homiela. Homielskaja milicyja apahańvańnia pomnika pakul nie kamientavała, u toj čas jak kamientary ad cyvilnych čynoŭnikaŭ atrymać udałosia, piša «Fłahštok».
Hałoŭnaja śpiecyjalistka ŭpraŭleńnia ideałahičnaj raboty, kultury i pa spravach moładzi Homielskaha harvykankama Volha Antonienka paviedamiła, što jana, maŭlaŭ, naohuł ničoha nie viedaje pra hetu situacyju:
«Ja tolki ŭčora vyjšła z adpačynku i nie viedaju, što było ŭčora. Pieratelefanujcie, kali łaska, paźniej».
U toj ža čas namieśnik načalnika adździeła ideałahičnaj raboty i maładziožnaj palityki Homielskaha abłvykankama Maksim Frałoŭ paviedamiŭ, što akcyja, pryśviečanaja vahnieraŭcam na płoščy Paŭstańnia, u Homielskim abłvykankamie nie ŭzhadniałasia. I vykazaŭ sumnieŭ, što jaje mahli ŭzhadnić u Homielskim harvykankamie.
Na pytańnie, ci budzie milicyja šukać aŭtaraŭ «miemaryjała» na miescy pomnika savieckim voinam, čynoŭnik adkazaŭ: «Tak, kali akcyja niaŭzhodnienaja, ich budzie šukać milicyja».
Čytajcie taksama:
Pucin prapanavaŭ vahnieraŭcam novaha kiraŭnika
Vahnieraŭcy ź Biełarusi viarnulisia vajavać va Ukrainu
Zatrymali mužčynu, jaki niehatyŭna vykazaŭsia pra čałavieka z šaŭronam «Vahniera»
Vahnieraŭcy zajavili, što praciahvajuć pracu na biełaruskim kirunku
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary