Zialenski nie ličyć situacyju na froncie patavaj, pieramoŭ i sastupak Rasii nie budzie
Takuju zajavu prezident Ukrainy zrabiŭ na pres-kanfierencyi z prezidentam Jeŭrakamisii Ursułaj fon der Lajen, kali kamientavaŭ artykuł u časopisie The Economist hałoŭnakamandujučaha USU Valeryja Załužnaha.
«Heta nie patavaja situacyja. Rasija kantraluje nieba. My bieražom našych vajskoŭcaŭ. Prosta kidać, jak Rasija kidaje jak miasa svaich ludziej, nichto nie choča» — pryvodzić słovy ŭkrainskaha lidara vydańnie «Intierfaks-Ukrajina».
Raniej Załužny zajaviŭ pra dasiahnieńnie «tupika» na froncie i pierachod da pazicyjnaj vajny, u jakoj, na jaho dumku, Ukraina nie budzie mieć pieravahi.
«Jak pieraadoleć heta? F-16, treba čakać, kali chłopcy navučacca, kali jany viernucca. Kali na froncie jość SPA, vajskoŭcy iduć napierad, vykarystoŭvajuć techniku», — skazaŭ Zialenski.
Zialenski nahadaŭ, što letaś usie ličyli, što Ukraina ŭ patavaj situacyi, ale niekalki vajennych chitraściaŭ — i charkaŭski rehijon byŭ vyzvaleny.
«My nie majem prava apuskać ruki. Jakaja alternatyva? Što, treba addać tracinu našaj dziaržavy? Heta ž budzie tolki pačatak. My ž viedajem, što takoje zamarožany kanflikt, my ŭžo dla siabie zrabili vysnovy», — adznačyŭ Zialenski.
Zialenski taksama źviarnuŭ uvahu na toje, što treba bolš pracavać z partniorami pa SPA, razbłakavać nieba, dać mahčymaść ukrainskim vajskoŭcam pravieści nastupalnyja dziejańni.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary