Hadavaja inflacyja ŭ kastryčniku, pavodle danych Nacyjanalnaha statystyčnaha kamiteta, była roŭnaja 3,7%. U vieraśni jana składała ŭsiaho 2%.
Indeks spažyvieckich cen na tavary i pasłuhi ŭ kastryčniku ŭ paraŭnańni ź vieraśniem skłaŭ 100,6%, a ŭ paraŭnańni sa śniežniem 2022-ha — 104,3%.
Pavodle źviestak Biełstata, charčovyja tavary za hod padaraželi na 4,3%, a niecharčovyja tavary stali tańniejšymi na 0,3%. Košt pasłuh pavialičyŭsia na 7,9%.
U paraŭnańni ź vieraśniem charčovyja tavary stali daražejšymi na 1,2%, a niecharčovyja padaraželi na 0,4%. Pry hetym pasłuhi patańnieli na 0,1%.
Za miesiac bolš za ŭsio padaražeła harodnina — adrazu na 25,1%. Siarod niecharčovych tavaraŭ lidzirujuć leki, jakija dadali 2%, a siarod pasłuh — pasłuhi ŭ śfiery kultury, dzie zafiksavali rost u abjomie 1,2%.
Ciapier čytajuć
Vajb-prahramavańnie źmienić rolu raspracoŭščyka, RLVR i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary