Upieršyniu za paŭtara hoda siaredni zarobak «brudnymi» ŭpaŭ nižej za 600 dalaraŭ
Siaredni zarobak za vierasień «brudnymi» skłaŭ 1939 rubloŭ i 80 kapiejek, paviedamiŭ Biełstat. Ale jon źniziŭsia nie tolki ŭ paraŭnańni sa žniŭniem, kali składaŭ 1962,4 rubla.
Pa siarednim kursie Nacbanka dalara za vierasień (3,2574 rubla) siaredni zarobak za vierasień skłaŭ $595,5.
Uzrovień siaredniaha zarobku ŭ krainie ŭpaŭ nižej za adznaku 600 USD upieršyniu z krasavika 2022 hoda, zaŭvažyŭ partał Banki24.by.
U vieraśni 2023 hoda zarobak byŭ vyšejšy za $600 ciaham 16 miesiacaŭ.
A kali adminusavać padatki, to «čystymi» zarobak vyjdzie 1668,2 rubla (heta $512,1 pa siarednim kursie dalara za vierasień).
Ale kudy bolš spraviadlivym budzie miedyjanny zarobak (kali pałova nasielnictva zarablaje bolš za hetuju ličbu, a druhaja pałova mieniej za hetuju ličbu).
Miedyjanny zarobak ahučvajecca dva razy na hod: u mai i listapadzie.
Pavodle źviestak za maj 2023 hoda miedyjanny zarobak «brudnymi» skłaŭ 1401 rubiel (ci $483,5 pa siarednim kursie za maj), abo 1204,8 «čystymi» ($415,8 pa siarednim kursie za maj).
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary