Mužnaść. Marynu Zołatavu naminavali na premiju «Reparcioraŭ bieź miežaŭ»
U kancy listapada 31-y raz adbudziecca cyrymonija ŭznaharodžańnia premijaj «Reparcioraŭ bieź miežaŭ» (RSF) za svabodu presy. Adna z naminantak — hałoŭnaja redaktarka Tut.by Maryna Zołatava, jakaja adbyvaje 12 hadoŭ niavoli. Jaje vyłučyli ŭ katehoryi «Mužnaść».
Cyrymonija adbudziecca 28 listapada ŭ Brusieli. Sioleta na premiju vyłučany 21 naminant z 18 krainaŭ. U tym liku 13 reparcioraŭ, 5 fotakarespandentaŭ, dva ŚMI i adna asacyjacyja žurnalistaŭ, paviedamlaje Biełaruskaja asacyjacyja žurnalistaŭ;
Hałoŭnaja redaktarka Tut.by Maryna Zołatava, asudžanaja na 12 hadoŭ źniavoleńnia, vyłučana na premiju ŭ naminacyi «Mužnaść». Aproč jaje ŭ hetaj katehoryi — žurnalisty z Haici, Pakistana, Jehipta i Irana.
Biełaruskuju žurnalistku «Reparciory bieź miežaŭ» nazyvajuć simvaličnaj fihuraj, jakaja zaŭsiody abaraniała niezaležnaść svajho ŚMI i miedyja ŭ cełym, niahledziačy na nieadnarazovy pieraśled.
RSF cytuje Marynu Zołatavu: «Vinavacić ŚMI va ŭsich prablemach — heta ŭsie roŭna, što kryŭdzicca na lusterka», — napisała jana za dzień da vyniasieńnia prysudu.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič44
Kamientary