Pa joj prachodziać 16 čałaviek, 15 znachodziacca pad aryštam.
Lublinskaje adździaleńnie Departamienta arhanizavanaj złačynnaści i karupcyi Nacyjanalnaj prakuratury ŭ Lublinie nakiravała ŭ sud spravu ab špijonskaj sietcy z 16 čałaviek, jakija pracavali na rasijskija śpiecsłužby, piša Reform.by.
16 zamiežnikaŭ abvinavačvajucca va ŭdziele ŭ arhanizavanaj złačynnaj hrupie i ŭdziele ŭ zamiežnaj raźviedvalnaj dziejnaści suprać intaresaŭ Polščy. Abvinavačanym pahražaje da 10 hadoŭ pazbaŭleńnia voli.
Pavodle abvinavačańnia, hrupy dziejničała sa studzienia 2023 hoda pa sakavik 2023 hoda ŭ Biała-Padlasku, Chełmie, Miedyku, Pšemyśle, Žešuvie, Varšavie i inšych haradach Polščy.
«Abvinavačanyja ažyćciaŭlali dziejnaść, u tym liku pa vyjaŭleńni krytyčna važnaj infrastruktury, uklučajučy vajennyja abjekty i marskija party. Jany infarmavali svaich klijentaŭ ab vynikach svajoj vyviedki, za što atrymlivali ŭznaharodu», — havorycca ŭ paviedamleńni prakuratury.
15 abvinavačanych znachodziacca pad aryštam.
Ahienctva ŭnutranaj biaśpieki Polščy paviedamlaje, što akramia vyjaŭleńnia abjektaŭ krytyčnaj infrastruktury, hrupy manitoryła i dakumientavała pastaŭki vajennaj i humanitarnaj dapamohi va Ukrainu, viała padrychtoŭku da schodu ciahnikoŭ z rejek, a taksama viała prapahandysckuju dziejnaść, nakiravanuju na raspalvańnie nastrojaŭ suprać ukrainskaha naroda z metaj spynić dapamohu Polščy Ukrainie.
Pieršyja zatrymańni pa spravie ab špijonskaj sietcy prajšli ŭ sakaviku hetaha hoda. ŚMI paviedamlali, što siarod zatrymanych troje biełarusaŭ: Uładzisłaŭ Paśmiciucha, Maryja Miadźviedzieva, Mikałaj Maskalenka. Polskaja prakuratura Hramadzianstva abvinavačanych nie pakazała.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary