Pa ŭsioj krainie adbyvajecca chvala pieratrusaŭ u naziralnikaŭ za vybarami-2020
Jak stała viadoma «Viaśnie», ciaham niekalkich dzion pa ŭsioj Biełarusi adybyvajecca chvala pieratrusaŭ i pravierak u byłych naziralnikaŭ na prezidenckich vybarach u 2020 hodzie. Akcyju zapałochvańnia ładzić Kamitet dziaržaŭnaj biaśpieki.
U ludziej praviarajuć telefony i papiaredžvajuć ab kryminalnaj adkaznaści za «sadziejničańnie ekstremisckaj dziejnaści». Ź imi taksama zapisvajuć admysłovyja videa.
U kancy listapada masavyja pieratrusy pa ŭsioj krainie prajšli ŭ pradstaŭnikoŭ Kaardynacyjnaj rady i ich svajakoŭ. SK paviedamiŭ, što padazravanymi pa spravie prachodziać bolš za sto čałaviek.
25 lutaha ŭ Biełarusi projdzie tak zvany Adziny dzień hałasavańnia — vybary ŭ saviety deputataŭ roznych uzroŭniaŭ.
Ułady nieadnojčy padkreślivali, što vybary pavinny prajści «zładžana i arhanizavana». Asobaja rola ŭ hetym adviedziena siłavikam.
Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady.
Pa słovach hienieralnaha prakurora Andreja Švieda, u krainie zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Zhodna ź infarmacyjaj pradstaŭnika Abjadnanaha pierachodnaha kabinieta Paŭła Łatuški, z 2020 hoda represii zakranuli 136 tysiač čałaviek.
U Mahilovie siłaviki dva dni ładzili pieratrusy
«Brali navat miedykaŭ viedamasnaj palikliniki». Što viadoma pra masavyja zatrymańni ŭ Połacku i Navapołacku
Pieratrus adbyŭsia ŭ siabroŭki Kaardynacyjnaj rady Rozy Turarbiekavaj
Prakopjeŭ z nahody čarady pieratrusaŭ: Isteryčnaja reakcyja złačyncaŭ u pahonach
Pryjšli da Łatuški, Čałaha. Masavyja pieratrusy ŭ ludziej, źviazanych z Kaardynacyjnaj radaj apazicyi
Ciapier čytajuć
Delehatka KR Karpušonak paśla maŭčańnia apublikavała videa9
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary