Łukašenka davioŭ hienierałam, što Polšča i Litva značna horšyja navat za vajnu va Ukrainie
Alaksandr Łukašenka sklikaŭ naradu, dzie zaklikaŭ da pilnaści «na fonie militarystyčnaj abstanoŭki ŭ susiednich krainach». Adpaviednuju zajavu jon zrabiŭ pry zaćviardžeńni rašeńniaŭ na achovu dziaržaŭnaj hranicy ŭ 2024 hodzie, pieradaje BIEŁTA.
Łukašenka adznačyŭ, što chacia heta mierapryjemstva tradycyjnaje, ale vielmi važnaje z-za taho stanovišča, jakoje «razhortvajecca vakoł Biełarusi».
«Siońniašniaje rašeńnie na achovu dziaržaŭnaj miažy maje svaju asablivaść u tym, što ŭ nas asablivaja situacyja: na poŭdni — vajna, na zachadzie — Polšča, Litva, bałtyjskija dziaržavy — i taho horš. Padkreślivaju: i taho horš. Tam rychtujucca adpaviednyja atrady, pałkavodcy vyznačanyja», — skazaŭ jon.
Łukašenka znoŭ padkreśliŭ, što ŭ Biełarusi znajuć i «bajcoŭ hetych atradaŭ», jakija hatovy ŭžo vajavać suprać ułasnaj krainy.
«Tamu, jak ja zaŭsiody vajskoŭcam havaru i asabliva ministru abarony: my nie pavinny ničoha praziavać, pa-narodnamu havoračy. Ni ŭ jakim razie nielha dapuścić niejkaha vypadkovaha raźvićcia padziej na našaj hranicy. Tamu — pilnaść i jašče raz pilnaść», — skazaŭ jon.
Na naradzie prysutničali dziaržaŭny sakratar Savieta biaśpieki Alaksandr Valfovič, ministr abarony Viktar Chrenin, staršynia Dziaržaŭnaha pahraničnaha kamiteta Kanstancin Mołastaŭ i načalnik Hienieralnaha štaba Uzbrojenych Sił — pieršy namieśnik ministra abarony Viktar Hulevič.
-
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?
-
Ajcišnika ź Minska pasadzili pa čatyroch palityčnych artykułach
-
Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?5
Kamientary