SBU vykryła ahienturnuju sietku FSB z byłych i ciapierašnich słužbovych asob śpiecsłužbaŭ Ukrainy
Słužba biaśpieki niejtralizavała ahienturnuju sietku vajskovaj kontrvyviedki FSB, jakaja dziejničała va Ukrainie. Zatrymanyja 5 čałaviek, paviedamlaje SBU.
Siarod zatrymanych — byłyja słužbovyja asoby Hałoŭnaha ŭpraŭleńnia raźviedki Minabarony i Słužby źniešniaj raźviedki Ukrainy, a taksama supracoŭnik abłasnoha ŭpraŭleńnia SBU.
Zadačaj ahienturnaj sietki była pieradača RF raźvieddanych pra siły abarony i stratehična važnyja enierhaabjekty.
Pa materyjałach śledstva, eks-čynoŭnik źniešniaj raźviedki byŭ zavierbavany FSB jašče da poŭnamaštabnaha ŭvarvańnia padčas znachodžańnia na słužbie. Z tych časoŭ jon źbiraŭ infarmacyju pra miescy bazavańnia ŭkrainskich vajskoŭcaŭ, a paśla 24 lutaha 2022 hoda — i pra kanały pierapraŭki zamiežnaha ŭzbrajeńnia va Ukrainu.
Taksama rasiejski ahient pieradavaŭ u FSB sakretnuju infarmacyju pra asablivaści pracy i sistemy achovy Rovienskaj i Chmialnickaj AES.
Jašče adzin rasiejski ahient, jaki raniej prachodziŭ słužbu ŭ HUR, źliŭ asabistyja źviestki ŭkrainskich vajskoŭcaŭ.
Pavodle źviestak SBU, FSB vierbavała ŭdzielnikaŭ hrupy, vykarystoŭvajučy ŭ tym liku pahrozy zabojstva ich siemjaŭ. Akramia taho, za kožnaje vykananaje zadańnie złamyśniki atrymlivali hrošy.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary