СБУ выкрыла агентурную сетку ФСБ з былых і цяперашніх службовых асоб спецслужбаў Украіны
Служба бяспекі нейтралізавала агентурную сетку вайсковай контрвыведкі ФСБ, якая дзейнічала ва Украіне. Затрыманыя 5 чалавек, паведамляе СБУ.
Сярод затрыманых — былыя службовыя асобы Галоўнага ўпраўлення разведкі Мінабароны і Службы знешняй разведкі Украіны, а таксама супрацоўнік абласнога ўпраўлення СБУ.
Задачай агентурнай сеткі была перадача РФ разведданых пра сілы абароны і стратэгічна важныя энергаабʼекты.
Па матэрыялах следства, экс-чыноўнік знешняй разведкі быў завербаваны ФСБ яшчэ да поўнамаштабнага ўварвання падчас знаходжання на службе. З тых часоў ён збіраў інфармацыю пра месцы базавання ўкраінскіх вайскоўцаў, а пасля 24 лютага 2022 года — і пра каналы перапраўкі замежнага ўзбраення ва Украіну.
Таксама расейскі агент перадаваў у ФСБ сакрэтную інфармацыю пра асаблівасці працы і сістэмы аховы Ровенскай і Хмяльніцкай АЭС.
Яшчэ адзін расейскі агент, які раней праходзіў службу ў ГУР, зліў асабістыя звесткі ўкраінскіх вайскоўцаў.
Паводле звестак СБУ, ФСБ вербавала ўдзельнікаў групы, выкарыстоўваючы ў тым ліку пагрозы забойства іх семʼяў. Акрамя таго, за кожнае выкананае заданне зламыснікі атрымлівалі грошы.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары