Rasijskich chakieistaŭ, jakija kinuli na lod uručanyja Baskavym pryzy, prymusili prabačacca
Chakieisty rasijskaj junijorskaj zbornaj (U-18) prynieśli publičnyja prabačeńni za incydent, jaki zdaryŭsia paśla subotniaha matču ŭ Minsku, patłumačyŭšy svaje emocyi. U svajoj zajavie jany patłumačyli svoj učynak emocyjami z-za sprečnych, na ich dumku, sudziejskich rašeńniaŭ pa chodzie hulni.
«My škadujem, kali našy dziejańni z uznaharodami na cyrymonii paśla zakančeńnia matču suprać zbornaj Biełarusi na Kubku budučyni mahli być rascenienyja jak niepavažlivyja», — havorycca ŭ pakajannaj zajavie hulcoŭ.
Zaadno jany adznačyli, što ceniać mahčymaść spaborničać na mižnarodnym uzroŭni suprać zbornych Biełarusi i Kazachstana, a taksama pachvalili ŭmovy, jakija Biełaruskaja chakiejnaja fiederacyja stvaryła dla kamandaŭ.
Raniej u Fiederacyi chakieja Rasii asudzili pavodziny chakieistaŭ i raskazali, što vyvučajuć usie abstaviny, jakija pryviali da rašeńnia spartoŭcaŭ pakinuć na lodzie pryzy, jakija ŭručaŭ, darečy, adyjozny Dźmitryj Baskaŭ, kolišni staršynia Fiederacyi chakieju Biełarusi, a ciapier «sienatar».
Nahadajem, što moładzievy turnir pa chakiei «Kubak budučyni» prachodziŭ na minskaj «Čyžoŭka-Arenie» z 7 pa 10 lutaha. U finale biełaruskaja moładzievaja zbornaja (U-20) u aviertajmie pieramahła rasijan ź likam 6:5. Rasijanie byli niezadavolenyja i paśla matču zładzili demarš. Kapitan kamandy Jahor Suryn pakinuŭ na lodzie kamandny pryz za druhoje miesca, toje ž zrabili sa svaimi indyvidualnymi ŭznaharodami bramnik Piotr Andrejanaŭ i napadajučy Vadzim Dudaraŭ.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś3
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary