Kolišniaj hanarovaj vypusknicy BDU pahražaje da dziesiaci hadoŭ turmy za danaty
Jaje bolš za paŭhoda ŭtrymlivajuć u SIZA.
Zatrymanuju kličuć Ksienija Chodyrava. Joj 27 hadoŭ, jana ź Minska. Vučyłasia ŭ škole ŭ minskaj Łošycy, a paśla pastupiła ŭ BDU na fakultet sacyjalnych kamunikacyj (były humfak). Va ŭniviersitecie Ksienija była vydatnicaj i atrymała zvańnie «hanarovy vypusknik BDU». Jaje navat zaprašali na rektarski bal vypusknikoŭ BDU.
Taksama Ksienija razam ź inšymi dziaŭčatami z univiersiteta raspracavała kancepcyju łahatypa turbrenda Biełarusi dla konkursu, jaki abjaŭlała Ministerstva sportu i turyzmu. Prezientacyja taksama była biełaruskamoŭnaj. Praŭda, u vyniku internet-hałasavańnia jany zaniali tolki 10-je miesca.
Pa raźmierkavańni Ksieniju nakiravali pracavać u Muziej fizičnaj kultury i sportu, jaki znachodzicca ŭ Biełaruskim dziaržaŭnym univiersitecie fizičnaj kultury. Paralelna jana vučyłasia tam u Kłasie Kanfucyja (ciapier — Instytut Kanfucyja) — ustanovie, dzie vyvučajecca kitajskaja mova dy kultura.
Dziaŭčyna viadzie svaje sacsietki amal całkam pa-biełarusku. Taksama jana publikuje biełaruskuju muzyku i knihi dy vodhuki na biełaruskija imprezy — vystavy dy śpiektakli.
Ale badaj samym vialikim zachapleńniem dziaŭčyny byŭ futboł. Jana zaŭzieła za «Krumkačy» i była ŭdzielnicaj KrumkaCheeks — žanočaj amatarskaj kamandy, jakaja treniravałasia i čas ad času pravodziła hulni.
Apošni post u sacsietkach dziaŭčyny datujecca 1 krasavika 2023. Paśla hetaha jana adusiul źnikła.
Dniami nad joj pačaŭsia sud pa dvuch artykułach — «finansavańnie ekstremisckaj dziejnaści» dy «finansavańnie abo inšaje zabieśpiačeńnie vajny». Pa apošnim joj pahražaje da dziesiaci hadoŭ turmy. Imavierna, dziaŭčynu ŭtrymlivajuć u SIZA-1 Minska.
«Naša Niva» — bastyjon biełaruščyny
PADTRYMAĆCiapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary
Kažietsia eto nasielenije, čiem to kormiat ili pojat, čto oni massovo pieriestali cieniť sobstviennuju žizń