Danija pieradała Ukrainie ŭsiu artyleryju, jakuju mieła, i zaklikaje inšych zrabić toje ž
Premjer-ministarka Danii Mete Frederyksien na Miunchienskaj kanfierencyi pa biaśpiecy padakarała svaich kaleh, što zbroja ŭ Jeŭropie jość, ale pieradavać jaje Ukrainie nie śpiašajucca.
Mete Frederyksien, jak paviedamlaje hazieta Jyllands-Posten, padkreśliła, što ŭ karotkaterminovaj pierśpiektyvie Jeŭrasajuz pavinien dać Ukrainie toje, što joj treba, «a ŭ doŭhaterminovaj pierśpiektyvie Ukrainu varta vitać u ES i abaronnym aljansie NATA».
«Sa svajho boku, Danija pieradała ŭsiu svaju artyleryju. Siabry, mnie škada heta kazać, ale ŭ Jeŭropie jašče jość bojeprypasy na składach. Havorka nie idzie pra vytvorčaść, bo zbroja ŭ nas jość.
U nas jość bojeprypasy i srodki SPA, jakija na hety momant nam nie patrebnyja. Ich nam varta pieradać Ukrainie», — zajaviła premjer-ministarka.
Jana zaklikała zabiaśpiečyć Ukrainie pastaŭki zbroi da druhoj hadaviny pačatku vajennych dziejańniaŭ. U pryvatnaści, havorka idzie pra bojeprypasy, artyleryju, rakiety dalokaha dziejańnia, drony, źniščalniki F-16.
Padčas vystupu na Miunchienskaj kanfierencyi pa biaśpiecy prezident Ukrainy Uładzimir Zialenski zajaviŭ, što Uzbrojenyja siły adstupili z Aŭdziejeŭki z-za adsutnaści dastatkovaj dapamohi z boku Zachadu i štučnaha deficytu bojeprypasaŭ.
«Naša Niva» — bastyjon biełaruščyny
PADTRYMAĆCichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary