Ale jość, jak kažuć, adno ŭdakładnieńnie.
Biełaruski hałkipier Anton Čyčkan moža stać hulcom krakaŭskaj «Visły», jakaja zaraz vystupaje ŭ pieršaj lizie čempijanatu Polščy pa futbole (D2), piša football.by.
«U studzieni hetaha hoda jon skasavaŭ kantrakt z batumskim «Dynama» i šukaje novaha pracadaŭcy. A «Viśle» patrebny novy bramnik — adsiul pieramovy zacikaŭlenych bakoŭ i imaviernaść taho, što biełarus akažacca ŭ Krakavie», — paviedamlaje partał WP SportoweFakty.
Žurnalist Sport.pl Jakub Sieviaryn adznačyŭ, što «pieramovy praciahvajucca, ale da dasiahnieńnia pahadnieńnia jašče daloka».
«Najbolš važnyja pytańni indyvidualnaha kantraktu dahetul nie ŭzhodnienyja», — śćviardžaje Sieviaryn.
Krakaŭskaja «Visła» — 13-razovy čempijon Polščy (apošni raz u 2011-m), bolš tytułaŭ tolki ŭ «Lehii» (15), «Rucha» i «Hurnika» (pa 14). U siezonie 2021-2022 zaniała 17-je miesca i pakinuła vyšejšy dyvizijon. U minułym siezonie ŭ pieršaj lizie finišavała 4-j.
Čyčkan pravioŭ u «Dynama» z Batumi adzin siezon, vyjhraŭšy z kamandaj zołata čempijanatu Hruzii. Usiaho pravioŭ 21 matč (4 «suchich»), u jakich prapuściŭ 20 miačoŭ.
Raniej biełarus zajaŭlaŭ pra žadańnie pasprabavać svaje siły ŭ jeŭrapiejskim čempijanacie.
Paśla 20 praviedzienych matčaŭ «Visła», jakaja raniej 13 razoŭ vyjhravała čempijanat Polščy, znachodzicca na 4-m miescy ŭ turnirnaj tablicy druhoha dyvizijona, adstajučy ad lidzirujučaj «Arki» na 3 bały.
U druhim dyvizijonie ŭ biełarusaŭ jość pradstaŭnictva: «Zahlembie» z Sasnoŭca ŭ studzieni ŭznačaliŭ Alaksandr Chackievič. Kłub zajmaje apošniaje miesca ŭ tablicy. Čempijanat pieršaj lihi adnaviŭsia na minułym tydni, i «Zahlembie» prajhraŭ svoj pieršy matč.
U Ekstrakłasie (vyšejšym dyvizijonie) dvoje biełarusaŭ: heta Illa Škuryn u «Stali» i Jaŭhien Šykaŭka ŭ «Karonie».
Mbape zaklučyŭ kantrakt z «Reałam» da 2029 hoda
Niamieckija fanaty spynili futbolny matč, uzbroiŭšysia novymi technałohijami VIDEA
U rejtynhu FIFA zbornaja Biełarusi zastałasia na raniejšym miescy
Alaksandr Chackievič znajšoŭ novaje miesca pracy
Ahidniejšy za Hitlera. Apublikavany rejtynh samych nialubych pierson u historyi futboła
Kamientary