Sotni tysiač bačyli ŭ tyktoku, jak biełarus z dapamohaj kachanaj adnaŭlajecca paśla strašnaj avaryi. Voś što ź im ciapier
Paru miesiacaŭ tamu ŭ tyktoku zavirusilisia roliki z Uładam Aŭłasienkam i jaho dziaŭčynaj Nijaj. Maładziony pakazvali, jak Uład adnaŭlaŭsia paśla ciažkaj avaryi i komy. Što z chłopcam ciapier?
Avaryja, u jakuju trapiŭ Uład, zdaryłasia 1 kastryčnika 2023 hoda, i padčas jaje chłopiec, siarod inšych paškodžańniaŭ, atrymaŭ ciažkuju čerapna-mazhavuju traŭmu. Miedyki sumniavalisia, ci vyžyvie chłopiec, i pužali: kali i vyžyvie, to, chutčej za ŭsio, nie zmoža havaryć, ruchacca i razumieć rečaisnaść.
Ź pieršych dzion chłopca padtrymlivała Nija, jaho dziaŭčyna rodam z Emirataŭ. Nija — paśpiachovaja błohierka, jaje jutub-kanał maje 663 tysiačy padpisčykaŭ. U śniežni dziaŭčyna pačała publikavać tyktoki pra adnaŭleńnie Ułada. Ciapier u akaŭnta pary bolš za 156 tysiač padpisčykaŭ.
Z taho času prajšło amal try miesiacy. U pieršych rolikach bačna, jak Uład nanava vučyŭsia samastojna apranacca, siadzieć, jeści i havaryć. Na toj čas chłopiec, zaŭvažna schudnieły paśla komy i doŭhaha času ŭ špitali, karystaŭsia invalidnym vazkom, ale ŭžo tady było jasna — pra žyćcio «harodniny», jakoje ličyli vierahodnym jaho daktary, havorki bolš nie idzie.
Ciapier Uład šmat u čym navučyŭsia kłapacicca pra siabie, u tym liku jon zdolny hatavać ježu, myć posud i pyłasosić. Ale hałoŭnaje — chłopiec ustaŭ na nohi, i chacia jon zaŭvažna kulhaje, ale ŭsio ž taki chodzić sam.
Akramia kulhavaści, jość i inšyja nastupstvy chvaroby: Uład maje prablemy z pamiaćciu, uvahaj, maŭleńniem i kantrolem emocyj, jamu ciažka vykazvać svaje dumki, chłopiec chutka stamlajecca.
Niekalki dzion tamu Uład viarnuŭsia z čarhovaj reabilitacyi ŭ balnicy ŭ Aksakaŭščynie. Rodnyja zładzili da jaho śviata ź jaho lubimymi stravami i płakatami: «Uład i Nija, vy małajcy», «Uład! Ty vyjhraŭ hetaje žyćcio». U admysłovym tyktoku bačna, što chłopiec navat zdoleŭ trochi patancavać ź Nijaj i adnoj sa svajačak.
Hledačy zachaplajucca ŭ kamientarach Uładam, Nijaj i siłaj ich kachańnia. Ale ž jość i chejtery — adzin ź ich sumniavaŭsia ŭ ščyraści Nii, jakaja nie kinuła ciažka chvoraha chłopca: maŭlaŭ, abo jon bahaty, abo heta ŭsio robicca dla kantentu. Na takuju pretenziju Nija adkazvaje tak:
«Kali my čytajem takija kamientary, nam robicca sapraŭdy škada takich ludziej. Viedać, što jany nikoli nie kachali i nie byli kachanymi, viedać, što nikoli b dla ich nie zrabili taho ž… Prosta sumna, što jany prajecyrujuć niehatyŭ na inšych, bo dla ich nastolki nievierahodna, što čałaviek moža prajści praź piekła z-za kachańnia.
Kali žančyna kłapocicca pra kachanaha čałavieka padčas chvaroby, heta z-za hrošaŭ, a kali žančyna nie kłapocicca, heta tamu što jana drennaja žančyna. My nikoli nie zdolejem mieć racyju ŭ hetym śviecie z takimi ludźmi».
«Naša Niva» — bastyjon biełaruščyny
PADTRYMAĆČytajcie taksama:
Sacsietki achapiŭ «test apielsinavaj łupiny», jaki praviaraje adnosiny z partnioram na tryvałaść
Sa studentki ŭ Sieule ŭ mamu ŭ Minsku. Jak dziaŭčyna adna haduje dačku ad karejca
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»26
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary