Praź dzień paśla zajavy kamiteta AAN pra Palinu Šarendu-Panasiuk na BT pakazali palitźniavolenuju
Žančynie startava prysudzili dva hady źniavoleńnia, ale dvojčy dadavali termin za «niepadparadkavańnie» administracyi kałonii.
Siužet na BT źjaviŭsia praź dzień paśla taho, jak na siesii Savieta pa pravach čałavieka AAN pradstavili dakład Viarchoŭnaha kamisara AAN pa pravach čałavieka ab situacyi z represijami ŭ Biełarusi paśla vybaraŭ. Dniami taksama Kamitet AAN pa likvidacyi dyskryminacyi ŭ adnosinach žančyn zaklikaŭ Biełaruś terminova pryniać časovyja miery dla abarony palitźniavolenaj Paliny Šarendy-Panasiuk. Heta pieršy padobny vypadak pa spravach suprać Biełarusi.
Prapahandystka BT Anastasija Bieniedzisiuk pryjechała da Šarendy-Panasiuk u rečyckuju kałoniju. Tudy palitźniavolenuju adpravili pa artykule 411 — «złosnaje parušeńnie patrabavańniaŭ administracyi».
Na adzieńni Paliny — žoŭtaja birka, jakuju dajuć usim, chto asudžany pa pratesnych artykułach.
U sakaviku 2024 hoda muž Paliny Andrej raspavioŭ karespandentu «Miedyjazony» pra cisk na Palinu: «Palina prabyła ŭ atradzie paśla karancinu prykładna 2-3 tydni. U kancy studzienia-pačatku lutaha jaje kinuli ŭ ŠIZA. U atradzie jana źjaviłasia tolki ŭ samym kancy lutaha, vyhladała vielmi blednaj i schudniełaj. Uvieś hety čas Palina była ŭ ŠIZA, vierahodna 20 sutak. U pačatku sakavika Palina znoŭ źnikła z atrada, ale kudy dakładna — nieviadoma».
Palina Šarenda-Panasiuk — aktyvistka z Bresta. U červieni 2021 hoda joj prysudzili dva hady pa artykułach 364, 368, 369 KK (pahroza hvałtu pradstaŭniku siłavych orhanaŭ, abraza pradstaŭnika ŭłady i abraza Łukašenki). Za kratami na jaje akazvaŭsia cisk. U krasaviku 2022-ha joj dadali hod źniavoleńnia pa artykule 411. Čarhovy hod dadali pa tym ža artykule ŭ kastryčniku 2023 hoda.
Termin źniavoleńnia Šarendy-Panasiuk skančajecca ŭ kastryčniku 2024.
Jaje muž ź dziećmi vyjechali za miažu.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie3
Kamientary
Vładimirovna.
* Data i miesto
roždienija:
31.10.1992
Ošmiany, Biełaruś
Dołžnosť:
Načalnik otdieła rieportierov Ahientstva tielevizionnych novostiej Nacionalnoho hosudarstviennoho tielekanała "Biełaruś 1 TV".
Osnovanija dla nałožienija
sankcij
Ispołnitielnoje riešienije Sovieta (OVPB) 2023/1592 ot 3 avhusta 2023 h. vo ispołnienije Riešienija 2012/642/OVPB.
Podrobnosti po ssyłkie:
https://sanctions.nazk.gov.ua/ru/sanction-person/27299/