«Heta pieršy zvanočak». Da Paliny Šarendy-Panasiuk nie puścili advakata
Muž palitźniavolenaj Paliny Šarendy-Panasiuk padzialiŭsia ŭ fejsbuku apošnimi navinami ad žonki — jak zaŭsiody, niesuciašalnymi.
Pavodle Andreja Šarendy, za ŭvieś čas z 22 śniežnia minułaha hoda, jak Palina znachodzicca ŭ žanočaj kałonii № 24 «Zarečča», ad jaje pryjšoŭ tolki adzin karocieńki list. Žančyna prasiła terminova vysłać u banderoli šalik, šapku i termabializnu. Banderol dasłali, i ŭ kałoniju jana pryjšła, ale ci addali jaje Palinie — nieviadoma.
Taksama Palina Šarenda-Panasiuk paviedamiła, što 8 studzienia napisała zajavu na sustreču z advakatam i vielmi čakaje jaho, ale kali siońnia advakat pryjechaŭ u kałoniju, administracyja jaho nie prapuściła. Arhumientavali heta tym, što ad Paliny nibyta niama zajavy.
«Heta pieršy zvanočak, što z Palinaj niešta niadobraje», — robić vysnovu Andrej Šarenda.
Bresckuju aktyvistku Palinu Šarendu-Panasiuk zatrymali 3 studzienia 2021 hoda i asudzili na dva z pałovaj hady kałonii. Ale letam 2022 hoda na volu jana nie vyjšła. Spačatku joj dali hod pa artykule 411 (złosnaje niepadparadkavańnie patrabavańniam administracyi kałonii). Sioleta žančynu znoŭ nie vyzvalili, a dali jašče hod pa tym ža artykule.
U 2023 hodzie Palina Šarenda-Panasiuk stała pieramožcaj pravaabarončaj premii ŭ naminacyi «Pravaabarončaja salidarnaść hoda».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy12
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary