Nastu Łojku ŭ kałonii pazbavili hrašovych pieravodaŭ ad svajakoŭ
Stanam svajho zdaroŭja Nasta nie zadavolenaja, ale skardzicca jana nie maje zvyčki.
«Nasta Łojka ŭ kałonii šmat pracuje i praciahvaje prytrymlivacca viehanskaj dyjety. Jaje abmiežavali ŭ atrymańni hrašovych pieravodaŭ, a listy jana atrymlivaje tolki ad maci», — takoj infarmacyjaj pra palitźniavolenuju padzialiłasia krynica z Radyjo Svaboda.
Stanam svajho zdaroŭja Nasta Łojka nie zadavolenaja, ale «skardzicca jana nie maje zvyčki».
Taksama viadoma, što Nasta praciahvaje čytać šmat mastackaj i histaryčnaj litaratury.
«Kaža, što zbolšaha ŭ jaje ŭsio narmalna: pracuje na pašyvie adzieńnia, šmat čytaje. Apošniaja pračytanaja kniha — «Kryžaki» Hienryka Siankieviča. Skazała, što kniha, u jakoj viadziecca pra časy Hrunvaldskaj bitvy, padaravała joj novyja viedy i cikavyja vobrazy, što vielmi karysna, bo infarmacyi z voli ŭ jaje mała. Ale z hetym ničoha nie zrobiš, davodzicca joj tryvać», — raskazała krynica.
Pradstaŭnica mižnarodnaj pravaabarončaj arhanizacyi Human constanta Nasta Łojka ŭ źniavoleńni znachodzicca z kastryčnika 2022 hoda.
Nastu abvinavacili pavodle 342 i 130 artykułaŭ Kryminalnaha kodeksa («Arhanizacyja albo ŭdzieł u dziejańniach, jakija hruba parušajuć hramadski paradak» i «Raspalvańnie rasavaj, nacyjanalnaj, relihijnaj ci inšaj sacyjalnaj varožaści»). Svajoj viny Nasta Łojka nie pryznała. Sudzili pravaabaroncu na zakrytym pasiedžańni, termin u 7 hadoŭ źniavoleńnia Nasta Łojka adbyvaje ŭ Homielskaj žanočaj kałonii №4. Ułady zanieśli jaje ŭ śpisy terarystaŭ i ekstremistaŭ, a biełaruskija pravaabaroncy pryznali jaje palitźniavolenaj.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary