Mask pryznaŭ, što śviadoma abmiažoŭvaŭ Starlink, i abvinavaciŭ Ukrainu ŭ parušeńniach pravił
Iłan Mask abvinavaciŭ Uzbrojenyja siły Ukrainy ŭ parušeńni pravił karystańnia spadarožnikavaj sistemaj suviazi Starlink, zajaviŭšy, što jaje vykarystoŭvali dla ŭdaraŭ bieśpiłotnikami. Takim čynam zasnavalnik SpaceX patłumačyŭ uviadzieńnie abmiežavańniaŭ u pracy sistemy. Pra heta jon napisaŭ u sacyjalnaj sietcy X uviečary 24 kastryčnika.
Pa słovach Maska, ukrainskija vajskoŭcy parušyli ŭmovy vykarystańnia Starlink, užyvajučy sistemu dla nastupalnych udaraŭ bieśpiłotnikami, jakija pryviali da hibieli ludziej. Jon śćviardžaje, što mahčymaść takoha vykarystańnia była zabłakavanaja na minułym tydni.
Biznesmien zajaviŭ, što Starlink — heta cyvilny kamiercyjny servis, jaki nie pryznačaŭsia dla vajennych metaŭ. Dla takich zadač, pavodle jaho słoŭ, isnuje asobnaja sistema Starshield, jakaja znachodzicca pad kantrolem urada ZŠA, a rašeńni pra jaje vykarystańnie prymajuć amierykanskija dziaržaŭnyja čynoŭniki.
Mask taksama padkreśliŭ vyklučnuju važnaść Starlink dla abarony Ukrainy. Pavodle jaho acenki, ciapier heta adzinaja sistema suviazi, jakuju niemahčyma zahłušyć abo vyvieści sa stroju. Jon zajaviŭ, što adklučeńnie Starlink pryviało b da nieadkładnaha abvału ŭkrainskaha frontu.
Biznesmien nahadaŭ, što ŭ pačatku poŭnamaštabnaha rasijskaha ŭvarvańnia Starlink adyhraŭ vyrašalnuju rolu dla Ukrainy, kali inšyja srodki suviazi byli źniščanyja abo padaŭlenyja rasijskim bokam. Mask taksama śćviardžaje, što SpaceX zrabiła dla abarony Ukrainy bolš, čym lubaja inšaja pryvatnaja kampanija ŭ śviecie.
Ukrainski bok, u svaju čarhu, adchiliŭ abvinavačańni Maska. Daradca prezidenta Ukrainy pa raźvićci technałahičnych napramkaŭ abarony Siarhiej «Fłeš» Biaskresnaŭ źviarnuŭ uvahu na supiarečnaść u śćviardžeńniach amierykanskaha biznesmiena. Pavodle jaho słoŭ, ź zimy 2026 hoda dla ŭsich terminałaŭ Starlink na terytoryi Ukrainy, u tym liku na akupavanych ziemlach, dziejničajuć abmiežavańni chutkaści pieramiaščeńnia ŭ miežach 70—90 km/h. Akramia taho, Starlink nie pracuje na terytoryi Rasii.
Biaskresnaŭ zajaviŭ, što praz hetyja abmiežavańni ŭkrainskija vajskoŭcy fizična nie mohuć vykarystoŭvać kamiercyjnuju sistemu Starlink dla dalokich i siarednich udaraŭ bieśpiłotnikami.
Chutkaść Starlink va Ukrainie dla vajskoŭcaŭ adnavili
Tramp zajaviŭ, što Mask źniaŭ abmiežavańni na dostup Kijeva da spadarožnikavaj suviazi Starlink
Tramp patelefanavaŭ Masku i paprasiŭ jaho źniać abmiežavańni Starlink dla Ukrainy
Starshield dla Ukrainy zapavolili pa zahadzie Maska
Tramp kaža, što Starlink Ukrainie adklučaŭ nie jon i naŭrad ci Mask. A chto — nie viedaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary