Zialenski pra mirnyja pieramovy: Ukraina nie pahodzicca na abmiežavańnie vojska i niejtralitet
«Pytańnie terytoryj — heta čyrvonaja linija, jakaja moža abmiarkoŭvacca vyklučna na ŭzroŭni lidaraŭ».
Uładzimir Zialenski zajaviŭ, što Ukraina ŭ miežach mahčymych mirnych pahadnieńniaŭ nie pahadzicca na abmiežavańnie kolkaści armii i na niejtralny status, piša «Ukrainskaja praŭda».
«Hałoŭnyja aśpiekty hetaha palahajuć u tym, što my nie možam kazać pra niejtralitet našaj dziaržavy. I my nie pavinny, naša bačańnie, u pryncypie, supadaje z amierykanskim, my nie možam kazać pra abmiežavańnie ŭkrainskaj armii», — skazaŭ Zialenski ŭ intervju «TSN-Tiždień».
Jon dadaŭ, što harantyi biaśpieki dla Ukrainy nie mohuć dyktavacca rasijskim bokam.
«Takim čynam, vysnovy zrazumiełyja: abmiežavańnie našaj armii i niejtralitet Ukrainy nie abmiarkoŭvajucca. Pytańnie terytoryj — heta čyrvonaja linija, jakaja moža abmiarkoŭvacca vyklučna na ŭzroŭni lidaraŭ», — skazaŭ Zialenski.
24 kastryčnika Zialenski zajaŭlaŭ, što hatovy da mirnaha pahadnieńnia, jakoje praduhledžvaje zamarožvańnie vajny na ciapierašniaj linii frontu, adnak, pavodle jaho słoŭ, Ukraina nie pahadzicca pryznać, što «časova akupavanaja terytoryja stała rasijskaj».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja10
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary