U siecivie pryniata chvalicca svaimi pośpiechami, ale novy fłešmob u X (tvitary) zusim pra inšaje. Biełarusy pišuć tvity pra toje, što ŭ ich nie atrymałasia. «Naša Niva» pahladzieła, jakija antydasiahnieńni ŭ hetych śpisach.
Šmat pišuć pra lišniuju vahu — maŭlaŭ, prybaviła pamier ci pataŭścieła na 4, 7, 30 kiłahram. Jašče adna papularnaja historyja — prablemy ź mientalnym zdaroŭjem. Ludzi raskazvajuć pra toje, što apošnija niekalki hadoŭ žyvuć na antydepresantach, što pakutujuć na tryvožnaść — strach zastacca biez rodnych, hrošaj, pašparta, prakraścinujuć, kidajuć pačynańni i mary.
Niamała biełarusaŭ paznačajuć prablemy ź fizičnym zdaroŭjem (naprykład, z zubami) i z hrošami — ludzi žyvuć ad zarobku da zarobku, nie majuć nazapašvańniaŭ, pracujuć za małyja hrošy, navat kali vymušanyja kambinavać adrazu niekalki prac. Ludzi krytykujuć siabie za toje, što nie znachodziać siły zaniacca sportam ci zakidvajuć chobi.
Adnoj ź pieršych pra antydasiahnieńni napisała žurnalistka Julija Matuzava. Jana adznačała, što žyvie ŭ Ispanii try hady, ale dahetul nie intehravałasia, što nie maje finansavych nazapašvańniaŭ, a zarobku joj ledź chapaje na žyćcio. «Niama svajho žylla, nie zdała na pravy, nie spraviłasia z tryvožnaściu», — dadała žurnalistka.
Inšyja biełarusy zamiežža dzialilisia:
— amal try hady nie bačyła mamu i brata
— nichto ŭ luboj krainie
— niama svajho prytułku
— nie vuču movu krainy, u jakoj žyvu
— bajusia ludziej, tamu maja polskaja mova amal nie palepšyłasia za čas emihracyi
Voś jašče niekalki punktaŭ sa śpisaŭ, jakija publikujuć u tvitary:
— absalutna nie ŭmieju padtrymlivać paradak
— nie hatuju, tamu charčujusia ŭsiakaj łuchtoj
— nie była na pachavańniach babci, ciotki, druhoj babci
— nie emihravała, kali była realnaja mahčymaść
— u 23 svaje žyvu, jak maja mama ŭ 30+
U kamientarach da pryznańniaŭ karystalniki vykazvajuć padtrymku adno adnamu.
«Naša Niva» — bastyjon biełaruščyny
PADTRYMAĆ«Heta harantyja dla ŭsioj majoj palihamnaj siamji». Biełarusy raskazali, čamu prosiać daviedki ad lekaraŭ u svaich seks-partnioraŭ
Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ
Dapamohuć navat jołačnyja hirlandy. Jak vyratavać aharod ad travieńskich zamarazkaŭ
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary