Eks-hiendyrektar ANT Marat Markaŭ pryznačany ministram infarmacyi. Jaho pasadu zojmie Ihar Łucki.
Eks-kiraŭnik ANT Marat Markaŭ pryznačany novym ministram infarmacyi. Markaŭ uznačalvaŭ ANT z sakavika 2017 hoda, paśla vybaraŭ-2020 kanał staŭ hałoŭnym prapahandysckim telekanałam.
ZAT «Druhi nacyjanalny telekanał» (ANT) uznačalić Ihar Łucki.
Taksama Łukašenka pryznačyŭ Natallu Paŭlučenku — ministram pracy i sacyjalnaj abarony,
Siarhieja Małunova — pasłom u Kyrhyzstanie,
Alaksandra Kochana — pamočnikam prezidenta — inśpiektaram pa Minskaj vobłaści,
Ihara Buzoŭskaha — rektaram Akademii kiravańnia.
***
Marat Markaŭ naradziŭsia ŭ 1969 hodzie ŭ Łunincy. Skončyŭ Minskaje vyšejšaje inžyniernaje zienitna-rakietnaje vučylišča SPA, prasłužyŭ u biełaruskim vojsku 13 hadoŭ, dzie dasłužyŭsia da namieśnika kamandzira ŭzvodu. Pa skančeńni jurydyčnaha fakulteta BDU niekalki hadoŭ pracavaŭ aŭdytaram. Paźniej uładkavaŭsia ŭ Biełaruskaje telehrafnaje ahienctva. Adtul pierajšoŭ u Administracyju prezidenta, dzie dajšoŭ da pasady 1-ha namieśnika načalnika hałoŭnaha ideałahičnaha ŭpraŭleńnia. U śniežni 2011 hoda byŭ pryznačany namieśnikam staršyni Biełteleradyjokampanii ŭ infarmacyjnaj halinie. U sakaviku 2017 hoda pryznačany staršynioj praŭleńnia ANT (ZAT «Druhi nacyjanalny telekanał»). Znachodzicca ŭ sankcyjnym śpisie Jeŭrasajuza.
Kamientary
A namieśnikam ministra infarmacyi kaho? Pratasieviča?