Hnom, jaki ŭryvajecca ŭ kramy, staŭ hałoŭnym miemam leta. Akazvajecca, u kaściumie biehaje biełarus VIDEA
U sacsietkach zavirusilisia videa chłopca, jaki ŭ vobrazie hnoma ŭryvajecca ŭ kramy i restarany. Tam jon pałochaje achoŭnikaŭ i naviedvalnikaŭ, a jašče inscenuje bitvy z roznymi piersanažami. CityDog.io daviedaŭsia padrabiaznaści, što heta za chłopiec i čamu jaho videa stali takimi papularnymi.
Što heta za chłopiec?
Crawly_possessed — tak nazyvajecca akaŭnt papularnaha błohiera ŭ TikTok. Znakamitym jon staŭ z-za virusnych rolikaŭ, dzie jon u vobrazie hnoma biehaje pa hramadskich miescach i pałochaje rabotnikaŭ. Ciapier u TikTok-akaŭncie ŭ chłopca amal 4 miljony padpisčykaŭ i bolš za 139 miljonaŭ łajkaŭ pad jaho pastami.
Poor knights Next time I'll bring my squad ⚔️
Usie svaje videa chłopiec zdymaje ŭ Polščy. Adnak, jak pišuć u ekśpiertnych telehram-kanałach, aŭtar rodam ź Biełarusi. Akramia hetaha faktu, pra asabistaje žyćcio prankiera mała što viadoma. Naprykład, nidzie nie raskryvajecca ni sapraŭdnaje imia Crawly_possessed, ni padrabiaznaści jaho dziejnaści da pierajezdu ŭ Polšču.
Kožnaje svajo videa chłopiec zapisvaje pad firmovy saŭndtrek — uryvak z treka Misanthrop ad niamieckaha prajekta Blod Besvimelse & Heroin Makes Happy. U internecie hety huk fanaty ŭžo paśpieli achryścić Crawly Song.
Elfijki spriatali mienia ot hłupych rycariej
Crawly_possessed staŭ nastolki papularnym, što niekatoryja zamiežnyja ŚMI navat nazvali jaho miemam leta, a Duolingo Brazil u TikTok niadaŭna zrabiŭ parodyju na jaho roliki.
Pra što jaho roliki?
Bolšaść videa ŭ zapisie błohiera — kaściumiravanyja pranki. Vyhladaje ŭsio prykładna tak: darosły mužčyna ŭ zialonym kaściumie hnoma, vialikim vostrakancovym biełym kapielušy i nakładnoj baradzie sadzicca na kukiški i biehaje pa kramach.
Akramia asnoŭnaha hieroja, u niadaŭnich klipach pačali źjaŭlacca i inšyja piersanažy: naprykład, Žalezny Rycar i vysoki deman. Ź imi, pa siužecie, Crawly (mienavita tak zavuć hnoma) pačynaje zmahacca.
Poor knights now in grocery stores WHAT
Časam zdarajucca i impravizacyi. Tak, niadaŭna amierykanski jutubier i strymier IShowSpeed vypadkova pabačyŭsia z Crawly ŭ centry Varšavy. Pry sustrečy abodva chłopcy pačali brachać adzin adnaho, malujučy sutyčku. Paśla prykładna chviliny takoha pierformansu IShowSpeed uciok u atačeńni achovy.
Da taho jak prydumać svajho piersanaža ŭ kaściumie hnoma, chłopiec zdymaŭ pranki i ŭ inšych strojach: adlustroŭvaŭ varjata, jakoha advodziać pad ruki sanitary, i jadziernaha inžyniera. Taksama adzin čas jon zdymaŭ fłešmoby, u jakich źbiraŭ ludziej i kataŭsia razam ź imi pa padłozie handlovaha centra, razhaniajučy naviedvalnikaŭ.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary