Jamu trapiłasia ŭ internecie rekłamnaja akcyja nibyta ad «Alfa Banka». Prapanoŭvałasia prosta prajści apytańnie i atrymać hrašovy bonus.
U naźvie sajta fihuravała znajomaje najmieńnie, dy i rekvizity niby sapraŭdnyja, apytańnie akazałasia lohkim i karotkim, piša Onliner.by.
Ale kab atrymać bonus, spatrebiłasia ŭvieści numar telefona i asabisty numar pašparta. Ničoha takoha, padumaŭ Ivan. Nu a potym pryjšło SMS z kodam ad «banka», dzie navat papiaredzili, kab jaho nie paviedamlali ašukancam.
Jak tolki kod byŭ uviedzieny, naš hieroj adrazu ž atrymaŭ apaviaščeńnie: chtości ŭvajšoŭ u jaho rachunak ź inšaj pryłady. Pakul jon sprabavaŭ datelefanavacca da banka, ź jaho rachunku ŭžo śpisali amal $200.
Ašukancy nie spynilisia na dasiahnutym. Aformili jašče adnu kartu, ź jakoj taksama sprabavali źniać hrošy. Na ščaście, bank svoječasova zaŭvažyŭ padazronyja dziejańni i źviazaŭsia z uładalnikam rachunku.
Chłopiec napisaŭ zajavu ŭ milicyju, ale tam skazali, što šancy viarnuć hrošy vielmi małyja — napeŭna jany ŭžo pieratvarylisia ŭ kryptu i źnikli.
Nasamreč «Alfa Bank» nijakich apytańniaŭ z hrašovaj uznaharodaj nie pravodzić. A sam mietad dosyć stary, raniej ašukancy pravodzili takija apytańni ad «Biełaruśkalija», MTZ i Onliner.
Machlary raźviali rasijskuju śpiavačku Łarysu Dolinu. Jana pieraviała im miljon dalaraŭ
Minčanka chacieła viarnuć kradzienyja błohieram hrošy i źviarnułasia da jurystaŭ. Tyja taksama akazalisia machlarami
Jak machlary razvodziać biełarusaŭ na novych aŭto z Kitaja
Machlary ź Minska atrymali asabistyja danyja biełarusa i rabili falšyvyja zaprašeńni na vizy. Prablema moža być hłabalnaj
U machlaroŭ novaja schiema — buduć prasić uklučyć demanstracyju ekrana
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary