«Adkryvajecca karmuška, zahladvaje hety *iobak Vadzim u akularčykach i kaža: «Nu što ty, Sacharok!»
Były brescki milicyjanier Rusłan Sacharčuk, jaki vioŭ błoh pra Afryku, a paśla staŭ palitviaźniem, raskazaŭ, čamu źjechaŭ u Polšču.
Były palitviazień Rusłan Sacharčuk pierabraŭsia ŭ Polšču.
«Pačynaju žyćcio z čystaha lista. Mianie ŭ Biełarusi ničoha nie trymaje, tam ni doma ŭžo, nu, ničoha niama. Kuplu sabie kvateru ŭ Polščy i mašynu. Pajdu pracavać. Ja maju prava atrymać vid na žycharstva praz paŭhoda. Usio. Ja navat akardeon z saboj pryvioz, novy, Weltmeister», — zajaŭlaje mužčyna ŭ karotkim videa.
Rusłanu Sacharčuku 49 hadoŭ, jon z Bresta. Skončyŭ Mahiloŭski vyšejšy kaledž MUS, paśla pracavaŭ u Leninskim RAUS Bresta. Dasłužyŭsia da zvańnia kapitana milicyi. U 2008 hodzie jaho zvolnili z orhanaŭ za «ździajśnieńnie dyskredytujučych učynkaŭ».
Paźniej u žyćci Sacharčuka źjaviłasia Afryka. Jon pieryjadyčna byvaŭ u Kienii i vioŭ YouTube-błoh From Africa to Belarus. Mužčyna raskazvaŭ pra žyćcio i pracu ŭ Afrycy, miascovych ludziej i ŭłasnyja pryhody.
Ale ŭ 2025 hodzie były milicyjanier sam staŭ hierojem užo zusim inšaj historyi. Jaho pryznali vinavatym u «raspalvańni varožaści» i pryznačyli chimiju z nakiravańniem.
«Ja nie samy śviaty čałaviek. … Ale ja, napeŭna, nie zasłužyŭ, 15 hadoŭ addaŭšy słužbie radzimie, kab mianie nie papiaredziŭšy prosta voś… [Za] 10 dzion była raspačata kryminalnaja sprava. Pa ŭsich zakonach mnie pavinny byli paviedamić, ja nie kuplaŭ by za $900 kvitok u Kieniju.
Ale śledčy Rybačuk skazaŭ: «Nie, u mianie šmat spraŭ, mnie nie było kali. A pakul idzi siadzi doma. Skažy dziakuj, što my ciabie nie šturmavali z «Ryśsiu», tam, «Biełkaj», «Tarnada». Prosta siadzi doma, i my pryjdziem», — raskazvaje Sacharčuk.
U svaim manałohu Sacharčuk z kryŭdaj zhadvaje i čas za kratami.
«Pavinien dva razy na noč pračytać dakład, nazvać proźvišča, tam: Cacharčuk Rusłan Ściapanavič, artykuł 130, schilny da ekstremizmu i inšaj destruktyŭnaj dziejnaści… Adčyniajecca karmuška, zaziraje ŭśmiešlivy chłopiec Vadzim i kaža: «Nu što ty, sacharok?» I voś u hety momant, chłopcy, nie było ŭžo ŭ maich mazhach darohi nazad. Ja staŭ «sacharkom». Voś hety *iobak Vadzim u akularčykach: «Nu što ty, Sacharok?»… Pačvara».
U inšym videa na svaim kanale, jaki ciapier nosić nazvu «Pieršy Charyzmatyčny», Sacharčuk raskazaŭ, što na svabodzie jon šeść miesiacaŭ, a pra vyjezd z krainy pačaŭ dumać ci nie ŭ samy pieršy dzień znachodžańnia ŭ IČU.
«Kamu što ŭ Biełarusi ja zrabiŭ drennaha? Ja mužna prajšoŭ praz usie hetyja pytańni. Dom byŭ pradadzieny ŭžo try miesiacy nazad. Pašpart zamienieny. Usie hetyja apieracyi byli tolki z adnoj metaj: mieć mahčymaść voś tak spakojna razmaŭlać na lubyja temy».
Sacharčuk zaŭvažaje, što jamu «ledź nie va ŭračystaj abstanoŭcy» viarnuli vajenny bilet. Adnak jon nie razumieŭ svajho stanovišča:
«Znachodzicca ŭ krainie ŭ statusie raniej sudzimaha, chadzić adznačacca ŭ zvańni majora… (…) Chto ja, zečara ci ja major milicyi ŭ zapasie, u vypadku čaho tam mahu kamandavać bataljonam? Ja ŭvohule nie razumieŭ, što adbyvajecca, jak jano dalej budzie. (…) Ja dumaju, što ŭ mianie ŭsio atrymajecca».
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary