Na volu pa pamiłavańni vyjšaŭ Pavieł Kučynski — palitviazień z čaćviortaj stadyjaj ankałohii
«Pryvieźli chłopca z turemnaj lakarni ŭ haradskuju ŭ nie vielmi, miakka kažučy, zadavalniajučym stanie — ź pnieŭmanijaj», — paviedamiŭ u svaim fejsbuku pravaabaronca Alaksandr Kapucki.
Na volu pa pamiłavańni vyjšaŭ ankachvory palitviazień Pavieł Kučynski. Pra heta na svajoj staroncy ŭ fejsbuku paviedamiŭ pravaabaronca Alaksandr Kapucki.
«Z Maładziečna pryjšła da mianie dobraja viestka: vyzvalili ankachvoraha palitviaźnia Paŭła Kučynskaha. Praŭda, jak pieradaje jaho siabar, pryvieźli chłopca z turemnaj lakarni ŭ haradskuju ŭ nie vielmi, miakka kažučy, zadavalniajučym stanie — ź pnieŭmanijaj».
Palitźniavoleny maładziečaniec maje pieršuju hrupu invalidnaści — u jaho limfoma Chodžkina čaćviortaj stadyi. Niahledziačy na ankazachvorvańnie, jaho ŭtrymlivali ŭ źniavoleńni bolš za dva hady. U červieni pazaminułaha hoda jaho asudzili da piaci hadoŭ kałonii, a pa vynikach apielacyi pamienšyli prysud tolki na try miesiacy. Pry hetym zamiena pakarańnia na nie źviazanaje z pazbaŭleńniem voli sudom nie razhladałasia, piša «Viasna».
U žniŭni jurysty «Viasny», zaniepakojenyja stanam zdaroŭja Paŭła, padrychtavali i nakiravali zvarot u Pracoŭnuju hrupu AAN pa advolnych zatrymańniach.
U minułuju piatnicu stała viadoma, što Łukašenka pamiłavaŭ 30 čałaviek (16 mužčyn i 14 žančyn). Siarod ich Ksienija Łuckina, Volha Novikava, Ała Zujeva, Volha Stabroŭskaja, Vasil Bieraśnieŭ, Iryna Sankoŭskaja, Kaciaryna Leŭ, Natalla Piatrovič, Tamara Karavaj, Śviatłana Pałuektava, Jaŭhien Čumiła.
-
Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
-
Vyzvaliŭsia adzin z pačynalnikaŭ biełaruskamoŭnaha ŽŽ Ivan Marozaŭ — heta byŭ jaho druhi palityčny termin
-
Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?34
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary
Ich dalejšy los pakaža, ci sapraŭdy heta "akt humanizmu ad Łukašenki" (jak heta nazyvaje ofis Cichanoŭskaj), ci zvyčajny chałodny raźlik dyktatara: kab nie pamierli ŭ ścienach turmy. Kab pakazać, maŭlaŭ, u turmach nichto nie pamiraje. Kab nie psavać turemnuju statystyku.
P.S. Usim palitviaźniam žadaju pieramahčy chvaroby i pieražyć Łukašenku.