Biełaruski anałah YouTube zapuściać 12 vieraśnia. Tam buduć pakazvać dziaržTB
Namieśnik kiraŭnika administracyi dałažyŭ Alaksandru Łukašenku pra stvareńnie płatformy videobel.by i nazvaŭ prajekt «dastatkova słabym».
Biełaruski anałah YouTube, jaki atrymaŭ nazvu videobel.by, budzie zapuščany 12 vieraśnia.
Pra heta na naradzie ŭ Łukašenki raskazaŭ Uładzimir Piarcoŭ. Pry hetym jon nazvaŭ płatformu dastatkova słabym anałaham YouTube, piša BiełTA.
«Videachostynh videobel.by. Heta naša pieršaja OTT-płatforma, na jakoj buduć raźmiaščacca prahramy i roznyja rubryki. I navat pazaefirnyja aktyŭnaści stvaralnikaŭ videakantentu. Kali chočacie, heta dastatkova słaby anałah, ale taki pieršy krok da stvareńnia biełaruskaha YouTube», — zaznačyŭ Piarcoŭ.
Jon namiaknuŭ na zapavoleńnie YouTube u Rasii, adznačyŭšy, što nie moža pradbačyć, što adbudziecca z płatformaj dalej.
«Vy bačycie, što adbyvajecca z YouTube i inšymi OTT-servisami. My nie možam pradbačyć, my nie možam viedać, jak budzie hetaja situacyja raźvivacca dalej. Ale my viedajem dakładna, što biełaruski hladač choča hladzieć (i nie tolki biełaruski) videa pa zapycie praź piersanalny kamputar, mabilny telefon tam, dzie jamu heta zručna, u toj čas, kali jamu heta zručna rabić. Hety prajekt budzie zapuščany 12 vieraśnia», — anansavaŭ Piarcoŭ.
Na płatformie možna budzie hladzieć dziaržkanały ŭ režymie łajvaŭ, a na hałoŭnaj staroncy budzie stužka navin BiełTA.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy24
Kamientary