ZŠA hatovyja dazvolić Ukrainie ŭdary dalnabojnymi rakietami pa Rasii
Namahańni Ukrainy, kab dabicca źniaćcia abmiežavańniaŭ na vykarystańnie zachodniaj zbroi, mahčyma, blizkija da pośpiechu. Pra toje, što ZŠA hatovyja dazvolić Ukrainie nanosić udary pa Rasii rakietami ATACMS, paviedamiŭ kiraŭnik kamiteta Kanhresa pa mižnarodnych spravach Majkł Makkoł, piša Axios.
Pra rašeńnie Vašynhtona nibyta maje paviedamić ukrainskamu kiraŭnictvu kiraŭnik Dziarždepartamienta Entani Blinkien, jaki 11 vieraśnia źbirajecca ź vizitam u Kijeŭ.
10 vieraśnia, Blinkien naviedaŭ Łondan, dzie sustreŭsia z kiraŭnikom MZS Brytanii Devidam Łemi. Na sumiesnaj pres-kanfierencyi kiraŭnik amierykanskaha Dziarždepartamienta paviedamiŭ, što prezident ZŠA Džo Bajden maje namier abmierkavać prymianieńnie dalnabojnaj zbroi pa Rasii z brytanskim premjeram Kiram Starmieram.
«My pracujem nad tym, kab Ukraina mahła abaranić svaju terytoryju ad ahresii (Rasii)», — skazaŭ Blinkien.
Jon dadaŭ, što nastupleńnie zimy moža stać «krytyčnym momantam» dla Ukrainy, pakolki Rasija atrymała ad Irana balistyčnyja rakiety i ŭzmacniaje ŭdary pa infrastruktury, u tym liku enierhietyčnaj.
Kali abmiežavańni na vykarystańnie ATACMS buduć źniatyja, u zonu paražeńnia trapiać Rastoŭskaja, Varoniežskaja, Biełharodskaja, Kurskaja, Branskaja, Arłoŭskaja, Lipieckaja, Tamboŭskaja i Kałužskaja vobłaści, vynikaje sa źviestak amierykanskaha Instytuta vyvučeńnia vajny (ISW).
Pad udary USU, pavodle padlikaŭ ISW, mohuć trapić 245 vajskovych abjektaŭ Rasiei, uklučajučy 16 aeradromaŭ.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
a potym i tamahaŭki padviazuć