«$120 — i ja pakinu ciabie ŭ spakoi». Machlar zabłakavaŭ ajfon biełaruski i zapatrabavaŭ vykup
Na minułym tydni ŭ Dyjany pierastaŭ pracavać telefon.
Pry sprobie ŭklučyć smartfon jana ŭbačyła tekst nastupnaha źmiestu: «Źnikły iPhone. Dla razbłakiroŭki pisać siudy», paviedamlaje Onliner.by.
Jak mienavita ašukancy atrymali dostup da smartfona, Dyjana nie viedaje. Jana miarkuje, što ŭ ich akazaŭsia dostup da jaje Apple ID, praź jaki iPhone byŭ paznačany jak zhubleny.
Prytym pryłada błakujecca kod-parolem, a na ekran vyvodzicca paviedamleńnie dla taho, chto telefon znojdzie. Hetym «kimści» akazałasia Dyjana, sapraŭdnaja ŭładalnica aparata.
Dziaŭčyna źviazałasia z nazvanym u paviedamleńni kantaktam.
Surazmoŭca zapatrabavaŭ vykup u pamiery $120: «Naŭzamien ja nie čapaju tvoj ajfon, vychodzim z «ajkłaŭda», i ty dalej žyvieš svaim spakojnym žyćciom i praciahvaješ spakojna karystacca telefonam, byccam ničoha nie było».
Płacić Dyjana admoviłasia. Zamiest hetaha vyrašyła źviarnucca ŭ milicyju. Pry hetym kaža, što razumieje — z hetaha naŭrad ci niešta vyjdzie i telefon jana, chutčej za ŭsio, straciła.
Pakul samym niezrazumiełym u hetaj historyi zastajecca pytańnie taho, jak mienavita ašukancy mahli ŭvajści va ŭlikovy zapis dziaŭčyny. Na samaj spravie jany, vierahodna, hetaha navat nie rabili.
Jašče niekalki miesiacaŭ tamu byli raspaŭsiudžanyja vypadki, kali złačyncy spačatku ŭzłomvali čyj-niebudź miesiendžar, a potym ad imia karystalnika pisali jaho kantaktam z prośbaj uvajści ŭ čužy akaŭnt (jaki naležyć ašukancam) pad luboj padstavaj. Jak tolki chto-niebudź heta robić, złamyśniki adrazu błakujuć smartfon, tolki što pryviazany da ŭlikovaha zapisu.
Dyjana nie ŭdakładniła, ci zdarałasia ź joj niešta padobnaje. Ale kali adkaz «tak», to vy ciapier viedajecie, čaho rabić nie treba: nie treba nie tolki dzialicca svaim Apple ID, ale i zachodzić u čužyja akaŭnty.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy36
Kamientary