Prezident Irana zajaviŭ, što Tehieran nikoli nie ŭchvalaŭ ahresiju Rasii suprać Ukrainy. U Kramli adkazali
Masud Piezieškijan u vystupleńni na Hienasamblei AAN zajaviŭ, što kraina nie pastaŭlaje zbroju Rasii i nie ŭchvalaje vajnu suprać Ukrainy.
Novy prezident Irana adznačyŭ, što vystupaje za pieramovy z Zachadam z nahody vajny va Ukrainie.
Akramia taho, Piezieškijan admaŭlaje, što Iran pastaŭlaje Rasiei rakiety, piša The Guardian.
«My hatovyja sieści ź jeŭrapiejcami i amierykancami za stoł pieramoŭ i dyjałohu. My nikoli nie ŭchvalali rasijskuju ahresiju suprać ukrainskaj terytoryi», — zajaviŭ prezident Irana.
U Kramli adreahavali na słovy Piezieškijana. Pres-sakratar Uładzimira Pucina Dźmitryj Piaskoŭ zajaviŭ, što Maskva praciahnie tłumačyć Tehieranu pazicyju pa vajnie.
«Heta suvierennaja pazicyja Irana. My praciahniem tłumačyć našu pazicyju i ŭsio, što źviazana z hetym kanfliktam vakoł Ukrainy, našym iranskim siabram», — adznačyŭ Piaskoŭ.
Jon dadaŭ, što adnosiny pamiž Rasijaj i Iranam raźvivajucca pazityŭna.
Niadaŭna Reuters paviedamiła, što Iran pastaviŭ Rasii balistyčnyja rakiety, ale biez puskavych ustanovak. Pa adnoj ź viersij, Tehieran takim čynam sprabuje zachavać prastoru dla manieŭru ŭ pieramovach z zachodnimi krainami pa pytańniach «źnižeńnia napružanaści».
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Intieriesnyj povorot... Navierno ekonomika zastaviła. No vsio nado provieriať.