Cieła lidara «Chiezbały» znojdziena — Reuters daviedałasia padrabiaznaści hibieli Nasrały
Chasan Nasrała zahinuŭ 27 vieraśnia pry avijaŭdary Izraila pa Biejrucie. Na jaho ciele niama ran, jak miarkujecca, jon zahinuŭ z-za ŭdaru vybuchnoj chvali, raspaviali surazmoŭcy ahienctva Reuters.
Cieła zahinułaha pry ŭdary Izraila lidara hrupoŭki «Chiezbała» Chasana Nasrały znojdziena, paviedamlaje Reuters sa spasyłkaj na krynicy.
Na ciele niama ran, miarkujecca, što Nasrała pamior ad traŭmy, atrymanaj z-za ŭździejańnia vybuchnoj chvali, zajavili surazmoŭcy ahienctva.
Ab likvidacyi Nasrały izrailskaje armija (CACHAŁ) paviedamiła 28 vieraśnia. Lidar «Chiezbały» zahinuŭ pry avijaŭdary pa padziemnym centralnym štabie hrupoŭki ŭ Biejrucie ŭviečary 27 vieraśnia.
Ynet i Al Jazeera pieradavali, što avijacyja skinuła 80-85 bombaŭ, kožnaja ź jakich važyła tonu, siarod ich byli i supraćbunkiernyja bomby.
U CACHAŁ adznačyli, što pierad udarami źviazalisia z žycharami troch damoŭ z zaklikam evakuiravacca, pakolki hetyja budynki znachodzilisia niepasredna nad stratehičnymi abjektami «Chiezbały».
Kamientary