Цела лідара «Хезбалы» знойдзена — Reuters даведалася падрабязнасці гібелі Насралы
Хасан Насрала загінуў 27 верасня пры авіяўдары Ізраіля па Бейруце. На яго целе няма ран, як мяркуецца, ён загінуў з-за ўдару выбухной хвалі, распавялі суразмоўцы агенцтва Reuters.
Цела загінулага пры ўдары Ізраіля лідара групоўкі «Хезбала» Хасана Насралы знойдзена, паведамляе Reuters са спасылкай на крыніцы.
На целе няма ран, мяркуецца, што Насрала памёр ад траўмы, атрыманай з-за ўздзеяння выбухной хвалі, заявілі суразмоўцы агенцтва.
Аб ліквідацыі Насралы ізраільскае армія (ЦАХАЛ) паведаміла 28 верасня. Лідар «Хезбалы» загінуў пры авіяўдары па падземным цэнтральным штабе групоўкі ў Бейруце ўвечары 27 верасня.
Ynet і Al Jazeera перадавалі, што авіяцыя скінула 80-85 бомбаў, кожная з якіх важыла тону, сярод іх былі і супрацьбункерныя бомбы.
У ЦАХАЛ адзначылі, што перад ударамі звязаліся з жыхарамі трох дамоў з заклікам эвакуіравацца, паколькі гэтыя будынкі знаходзіліся непасрэдна над стратэгічнымі аб'ектамі «Хезбалы».
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары