Stakholmskaja palicyja razhladaje spravu suśvietna viadomaha francuzskaha futbalista Kilijana Mbape, jakoha abvinavacili ŭ zhvałtavańni žančyny padčas pryjezdu ŭ Šviecyju, piša miascovaja hazieta Expressen.
Pavodle infarmacyi vydańnia, mierkavanaje złačynstva adbyłosia ŭ hateli Bank. Palicyja ŭžo kanfiskavała ź miesca zdareńnia vopratku i nižniuju bializnu ŭ jakaści dokazaŭ, a taksama zapisy z kamier.
Paviedamlajecca, što jakraz tut na minułym tydni spyniaŭsia futbalist — jaho taksama zaŭvažyli ŭ adnym z restaranaŭ i ŭ načnym kłubie.
Zajavu na napadnika madrydskaha «Reała» padała žančyna, jakaja 12 kastryčnika źviarnułasia ŭ balnicu pa miedycynskuju dapamohu dla achviar sieksualizavanaha hvałtu. Samo mierkavanaje zhvałtavańnie adbyłosia 10 kastryčnika.
Šviedskija vydańni ŭdakładniajuć, što Mbape prysvojeny status «abhruntavana padazravany» — samy nizki ŭzrovień padazreńniaŭ.
Sam spartsmien nazyvaje naviny fejkavymi i źviazaŭ źjaŭleńnie paviedamleńnia z pačatkam sudovych słuchańniaŭ u sprečcy sa svaim byłym kłubam — francuzskim «Pary-sen-Žermen».
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY1
Kamientary