Telekanał STB maje prava na pakaz mižnarodnych futbolnych matčaŭ, jakija prachodziać pad ehidaj UEFA. Pra heta vydańniu tochka.by paviedamili va UEFA.
— My možam paćvierdzić, što i telekanału STB, i anłajn-kinateatru Okko naležać pravy na pakaz kłubnych spabornictvaŭ pad ehidaj UEFA na terytoryi Biełarusi, — havorycca ŭ paviedamleńni.
Žurnalisty źviarnulisia pa kamientar da zahadčyka adździeła spartyŭnaha viaščańnia STB Siarhieja Tułupava. Jon pakul nie moža ničoha skazać pra mahčymy pakaz Lihi čempijonaŭ na telekanale. Choć i nie admaŭlaŭ takoj mahčymaści.
«Na dadzieny momant naš pryjarytet — pakaz usich šaści matčaŭ minskaha «Dynama» ŭ ahulnym hrupavym etapie Lihi kanfierencyj. Heta taksama tyčycca i nacyjanalnaj zbornaj Biełarusi ŭ Lizie nacyj», — adznačyŭ Tułupaŭ.
Na ŭdakładnialnaje pytańnie pra mahčymaść pakazu Lihi čempijonaŭ na stadyi płej-of jon adkazu nie daŭ.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary