Pra prypynieńnie dziejnaści kampanii daviedałasia «Jeŭraradyjo». Infarmacyju paćvierdzili ŭ samoj kampanii.
«Adukacyjny centr «Lidar» prypyniŭ pakul svaju dziejnaść, tamu, na žal, my nie možam vam prapanavać našy pasłuhi, jakija byli dahetul», — paviedamili ŭ kampanii.
Pavodle słoŭ surazmoŭcy, hetaje rašeńnie pryniataje «vyšejšym kiraŭnictvam», ale jaho pryčyna nieviadomaja. Chutčej za ŭsio, centr bolš nie adnović svaju pracu.
Praŭda, u «Kartatecy» tavarystva z abmiežavanaj adkaznaściu «Maja maci», pad ehidaj jakoha dziejničaŭ centr, usio jašče paznačanaje jak dziejnaje.
Apošni post «Lidara» ŭ instahramie datujecca 2 vieraśnia, kali centr prapanoŭvaŭ źnižki na kursy. U žniŭni taksama nabiralisia hrupy dla navučańnia.
Adukacyjny centr «Lidar» isnavaŭ z 1999 hoda i mieŭ vučniaŭ z 27 haradoŭ Biełarusi. Kursy centra aficyjna pryznavali kursami №1 u Biełarusi ŭ 2015, 2016, 2017, 2018, 2019, 2020 hadach pavodle vynikaŭ fiestyvalu-konkursu «Vybar hoda». «Lidar» maje i šerah inšych premij.
U centry možna było prajści navučańnie pa bolš čym 230 prahramach. Zhodna z zakonam, dziejnaść, źviazanaja z kursami dla darosłych, nie patrabuje licenzii Ministerstva adukacyi.
Raniej stała viadoma, što zakryvajucca znakamityja moŭnyja kursy Streamline.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu2
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary