Fond salidarnaści Bysol adkryŭ zbor srodkaŭ u padtrymku siamji hramadskaha dziejača, aktyvista i krajaznaŭcy Alesia Jurkojcia, jaki ŭ 2021 hodzie vyjšaŭ z turmy paśla praciahłaha źniavoleńnia, a niadaŭna byŭ vymušany emihravać za miažu, bo orhany nie pakinuli jaho ŭ spakoi.
Hetaja historyja nie zusim pra pratesty 2020 hoda, a pra tyja padziei, jakija prachodzili da jaho: praduziataść biełaruskaha suda, palityčna matyvavanyja represii i ŭsiodazvolenaść uładaŭ paśla vybaraŭ.
Aleś Jurkojć doŭhi čas byŭ ruchavikom hramadskaha i kulturnaha žyćcia ŭ svaim rehijonie — jon žyŭ u Varnianach na Astravieččynie. Stvaryŭšy krajaznaŭčaje tavarystva «Vilniar», Aleś ustaloŭvaŭ pamiatnyja kamiani i šyldy biełaruskim paetam, adkryŭ muziej, arhanizoŭvaŭ fiestyvali i tvorčyja mierapryjemstvy, čytaŭ lekcyi i ładziŭ krajaznaŭčyja vandroŭki. Mienavita dziakujučy inicyjatyvie Alesia byŭ ustalavany pomnik da jubileju paŭstańnia Kastusia Kalinoŭskaha ŭ 2013 hodzie.
Uviesnu 2015 była zatrymanaja hrupa ašmianskich mytnikaŭ pavodle abvinavačvańnia ŭ chabarnictvie. Aleś Jurkojć, jaki słužyŭ na mytni razam ź imi, byŭ aryštavany taksama. Aleś nie pryznavaŭ svajoj datyčnaści da dziejnaści byłych kaleh, kazaŭ u sudzie pra katavańni ŭ turmie KDB i nieadnarazova zajaŭlaŭ pra adsutnaść faktaŭ ci dokazaŭ adnosna ŭłasna jaho ŭ sudovych spravach. Tym nie mienš, u 2017 jon byŭ asudžany na 7 hadoŭ źniavoleńnia. Hety sudovy praces byŭ apisany ŭ knizie «Tantamareski» publicysta Siarhieja Dubaŭca.
Paśla vyzvaleńnia ŭ 2021 hodzie cisk na Alesia Jurkojcia nie spyniŭsia. Supracoŭniki KDB i milicyi praciahvali dopyty, ładzili pieratrusy i pahražali novym aryštam:
«Paśla vyzvaleńnia z turmy supracoŭniki KDB i milicyi praciahnuli represiŭny presinh (spačatku paŭhadovy previentyŭny nahlad, zatym štomiesiačnyja prafiłaktyčnyja vykliki, pastajannaje naviedvańnie miesca žycharstva, pahrozy). Sioleta znoŭku zrabili pieratrus u chacie, zabrali ŭ kajdankach i ździekavalisia, jak nad skacinaj, pasadziŭšy ŭ admysłovaje mietaličnaje kresła. Nočču źniali kajdanki i adpuścili pieški damoŭ».
Kab paźbiehnuć dalejšych ździekaŭ, Aleś razam z žonkaj i tryma dočkami byŭ vymušany źjechać u Polšču.
«Pieršym źjechaŭ ja, a na minułym tydni pryjechała ŭsia siamja: žonka i troje dziaciej. Abciažarvaje situacyju toje, što małodšaja dačka maje hrupu invalidnaści i žonka nie zmoža paŭnavartasna pracavać. Budziem udziačnyja za lubuju dapamohu!», — kaža Aleś Jurkojć.
Suma zboru — €3700
- €1300 — zimovyja rečy dla siamji,
- €900 — miedabśledavańnie, nabyćcio lekaŭ i pierakład miedycynskich dakumientaŭ na polskuju movu,
- €800 — zbor dziaciej na vučobu (nabyćcio školnych prynaležnaściaŭ, noŭtbuka i telefona),
- €700 — bytavyja raschody, pradmiety pieršaj nieabchodnaści i charčavańnie.
Padtrymać Alesia Jurkojcia i jahonuju siamju možna tut.
Ščyraja hutarka z Alesiem Jurkojciem paśla 6 hadoŭ źniavoleńnia: pra biełaruskuju movu ŭ SIZA, «spravu mytnikaŭ» i śmierć maci
Krajaznaŭca z Astraŭca Aleś Jurkojć vyjšaŭ na volu paśla šaści hadoŭ turmy
«Tantamareski»: pra što novaja kniha Siarhieja Dubaŭca?
Błohier Łapšyn miesiac pravioŭ u adnoj kamiery ź Jurkojciem: «Aleś — adzin z najlepšych ludziej, što ja viedaŭ u žyćci»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
ja lepš pamru.
pejse. Hornieda - ad słova "hordaść" - što krychu pierajnačana ad Rahnieda