Humaryst Jaŭhien Kryžanoŭski raskazaŭ, što ciapier pracuje na Pietrasiana. I patłumačyŭ, jak tudy trapiŭ
«Pracuju na roŭnych. Nie biełaruski hastarbajtar, jaki na padtancoŭcy».
Viadomy biełaruski humaryst Jaŭhien Kryžanoŭski amal piać hadoŭ pracuje ŭ prahramie Jaŭhiena Pietrasiana «Krivoje zierkało», jakoje ciapier nosić nazvu «Pietrasian Šou».
U jutub-šou «Niam-niam», jakoje viadzie katalicki śviatar Juryj Sańko, humaryst zhadaŭ akaličnaści, pry jakich jamu pastupiła prapanova:
«Ja jechaŭ pa praśpiekcie — u mianie ŭžo tady źjaviłasia mašyna. I hučnaja suviaź. Znajomy hołas: «Alo, Ženia?» Ja kažu: «Tak». «Pryvitańnie». Ja kažu: «Pryvitańnie». Hołas znajomy, ale nijak nie zrazumieju, chto.
«Nie chacieŭ by ty ŭ mianie papracavać?» Ja dumaju, chiba što niejkaja chałturka — kino, videa. Ja kažu: «A čamu b i nie». A sam dumaju: «Chto?!»
I toj, na druhim kancy drotu, zrazumieŭ, što ja nie razumieju, z kim havaru, i kaža: «Heta Jaŭhien Pietrasian».
Jak ciapier pamiataju, heta było niedaloka ad Akademii navuk. Ja ŭbok, mašyny bibikajuć. Staŭ, uklučyŭ mihałki. «Tak, Jaŭhien Vahanavič! Ja vas słuchaju!»
Jak padkreślivaje Kryžanoŭski, jon užo tady zrazumieŭ, što «heta prapanova, jakaja dajecca raz u žyćci».
Adnak, niahledziačy na toje, što humaryst pracuje ŭ Maskvie, jon nie pierajechaŭ tudy žyć. Jak tłumačyć Kryžanoŭski,
«tudy, u Maskvu možna jechać. Ale heta treba rabić maładym. Kali ty małady, kali za śpinaj u ciabie niama nikoha, rvanuŭ tudy, načuješ na vakzałach, u siabroŭ, u taksi. I prabivaješsia».
Kryžanoŭski zaŭvažaje, što mała ŭ kaho ź biełaruskich artystaŭ atrymałasia zrabić karjeru ŭ Rasii:
«Vielmi šmat biełarusaŭ rvanuła — ja nie tolki pra humarystaŭ havaru — u Maskvu. Ale na siońnia my praktyčna nikoha nazvać nie možam. Tamu što, na žal, tam prabicca vielmi ciažka».
Čamu ŭ jaho samoha atrymałasia? Bo «humarystaŭ vielmi mała».
Kryžanoŭski pryznajecca, što pracavać u kamandzie Pietrasiana vielmi niaprosta, bo Pietrasian — samy viadomy artyst:
«Pracuju na roŭnych. Nie biełaruski hastarbajtar, jaki pryjechaŭ i ŭ padmasoŭcy tam, padtancoŭcy. Nie. Na roŭnych».
«Ja dumaŭ, jon u Polščy z usimi». Jaŭhien Kryžanoŭski asvojvaje tyktok — zdymaje roliki pra lecišča i «błohiera» Piačonkina
«Adkažuć usie, i vy adkažacie». Akcior Jaŭhien Kryžanoŭski žorstka źviarnuŭsia da Lidzii Jarmošynaj VIDEA
Jaŭhien Kryžanoŭski: U nas z Rasijaj roznyja pohlady na intehracyju. A va Ukrainie nacyjanalizm pierachodzić usie miežy
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary