«Adkažuć usie, i vy adkažacie». Akcior Jaŭhien Kryžanoŭski žorstka źviarnuŭsia da Lidzii Jarmošynaj VIDEA
Viadomy biełaruski komik Jaŭhien Kryžanoŭski žorstka vykazaŭsia ŭ adras staršyni CVK Lidzii Jarmošynaj i siłavikoŭ. «Siońnia ŭsie adkažuć za ŭsio. I tyja, chto addavaŭ zahady bić ludziej na vulicach, i tyja, chto biŭ ludziej na Akreścina … I vy adkažacie», - skazaŭ akcior, jaho videazvarot apublikavany na fejsbuku, piša Tut.by.
Jaŭhien Kryžanoŭski źviarnuŭsia naŭprost da Lidzii Jarmošynaj, staršyni Centralnaj vybarčaj kamisii. Jon nahadaŭ, što viedaje kuchniu vybaraŭ: nieadnojčy prymaŭ udzieł u vybarach miascovych savietaŭ i parłamienta jak člen Libieralna-demakratyčnaj partyi, a ŭ 2001 hodzie chacieŭ stać kandydatam u prezidenty.
«Ja viedaju, što takoje pikiety, što takoje raznosić ulotki, ja viedaju, što takoje sustrečy z vybarščykami, ja viedaju, što takoje padlik hałasoŭ.
Ja razumieju, što vam siońnia strašna. Strašna, tamu što ŭsio, što adbyvajecca ciapier — hetyja biaskoncyja hudki aŭtamabilaŭ, hetyja tysiačy ludziej, jakija vyjšli na vulicy, jakija ciapier nie bajacca, hetyja zavadčanie, jakija na samych bujnych zavodach krainy vyjšli na vulicy, daktary, studenty, toje, što Śpivakoŭ admoviŭsia ad uznaharody, i mnohaje-mnohaje inšaje, udary pałkami AMAPa, Akreścina, — heta ž usio dziakujučy i vam», - ličyć akcior.
«Kali b nie było takich rečaŭ, jak vyšturchoŭvańnie z učastkaŭ vybarčych niezaležnych naziralnikaŭ, zaviešvańnie voknaŭ, zakryćcio štor, tajemnyja padliki, nievyviešvańnie vynikaŭ vybaraŭ, - usiaho hetaha mahło b i nie być.
Darečy, za heta vam dziakuj. Tamu što siońnia Biełaruś stanovicca inšaj, troški dziakujučy i vam».
Akcior nie viedaje, ci budzie «Niurnbierhski praces» u Biełarusi, ale ŭpeŭnieny, što za hvałt adkažuć.
«Siońnia ŭsie adkažuć za ŭsio. I tyja, chto addavaŭ zahady bić ludziej na vulicach, i tyja, chto biŭ ludziej na Akreścina. Jany adkažuć. Pačynajučy ad kamandziraŭ i zakančvajučy ministram. I vy adkažacie.
Mnie, jak čałavieku, vas vielmi škada, ale jak čynoŭnika, — nie. Nas ź dziacinstva vučyli nie chłusić, nie chłusić, nie chłusić, nas karali za heta! A voś ciapier chłusić było nielha kateharyčna. Ale vy heta zrabili, Lidzija Michajłaŭna. Voś jak paviarnułasia žyćcio. Siońnia vy stali voraham Biełarusi. Heta strašna», - zajaviŭ Jaŭhien Kryžanoŭski.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary